[حشمة غلا]

المشاركة الأصلية كتبت بواسطة حيــــــاة عزيزتي انا الي فهمته من كلامك انك منتي عايشه هنا صح؟؟ انتي من قطر ؟؟ امكن عشان كذا في صعوبات في تسجيلك لانهم كل الخيارات على اساس ان الواحد عايش هنا يعني السستم ما اعترف بارقامك لانهم قطرية ولا العنوان وفروع dhl برضه خياراتهم على انك هنا اما الجنسية فالخيارات يا انك سعودية يا ان امك سعودية يا انك مقيمه يعني انتي غير سعودية لكن مقيمه هنا والي فهمته منك انك في قطر يعني انتي تبي تسجلي تعليم عن بعد وتدرسي في قطر والامتحانات راح تجي هنا ؟؟ ياريت توضحي اكثر عشان نقدر نساعدك اكثر ايوة صح الدكتور عبد الفتاح ارسلي له الصبح مرة ثانية على طول يرد واذا ما رد ارسلي كمان مرة بالتوفيق

هَلآ حبيبتي ،

صَح كَلآمج أنا قطرية وفي قطَر .. واللي ذكرتية صَح واجهتني هذي المصاعب في التسجيل


وقبل لآ أسجل بفترة طويلة ، تواصلت مع أحد الآساتذة في عمادة القبول والتسجيل " عن بعد"


وسَألته إذا يحق لي التسجيل أو لآ .. وأخذ بعض معلوماتي وقال لي خير إن شَاء الله والوضع


عَادي جداُ وإن الجامعة فيها طلآب من الأمارات والكويت واليمن وغيرة ،..



تفائلت خير بكلآمة


و وكلت أمري لله .. لكن يوم التسجيل تحطمت مافية قبول أو الخانات ماتستوعب أكثر


والدكتور عبدالفتاح ، الله يشهد مايقصر وعسى مايقصر لآ معاي ولا مع غيري ..


أرسلت له الآيميل وماوصلني ردة ، وللعلم أرسلته له قريب 8 الصَبح .. لآني كنت وقتها في الدوام


وفي يوم غير الخميس " لآنه إجازة عندكم" وحنا دواماتنا من الآحد للخميس والآجازة


" جمعة وسبت" ..



موضوع السفر بالنسبة لي .. مافية أي مشكلة والحمدلله أقدر أسافر جدة في السنة مرتين أو 3


للأمتحانات وأرجع والله ماتفرق .. أهم حاجة عندي أكمل تعليمي وأسجل في أي جامعة والله ماتفرق



الآغلبية أنصحوني بـ جامعة الملك فيصل .. ونفس الموضوع بحاول أقدم فيها


لكن وضعي شَلون أشرحة لج .. بقدم على كذا جامعة هالفترة ،


الملك عبدالعزيز ، الملك فيصل ، الدمام، الملك خالد .. وأي وحدة ألقى فيها قبول بإذن الله



بكمل دراستي .. بس دام لقيت فرصة هالمرة ودي أسجل وأوكل أمري لله ..




وفي النهاية الخيرة فيما أختارة الله .. أهم حاجة أني أحاول وراضية باللي يكتبة ربي لي



: )





السَموحة حبيبتي طَولت عليج ..جزاج ربي و والديج الجنة يارب ..



موفقة