[واقعية]

انا ماحب افضفض لأحد

لان لما تجي تبغى تفضفض لاحد اكيد بتفضفضله عن هم او مشكلة او شي تبغاله حل

ويكون هو نفسه مهموم مو ناقصه

والناس ماتحب الانسان اللي يشتكي كثير ويحسوه ضعيف شخصية

وبعدين السكوت يخلي للواحد هيبة

في واحد من اخواني شاعر ودايمن يتابع قناة شعرية مدري فواصل او بروز والله ناسية المهم 24 ساعة فاتحة بالبيت وبصوت عالي

وفي قصايد كثيرة اسمعها وتعجبني وتبقى عالقة بذاكرتي منها هادي

هي لكنتها بدوية بس رووووعة

لاصار سري ضايقن منه صدري
مانيب خبلً يوم أعلمبه الناس

ياويل من يدري من اللي مايدري
صدور خلق الله لها حد وقياس

واقلبي اللي شايل الهم بدري
همً يشيّب رامش العين والراس

أصبر وأعيد حساب نفسي وأنا أدري
من زود صبري بعض الأضلاع يباس

وأصد بعض أحيان من شان قدري
مايرتخي وأدراه عن كل بلاس

كم واحداً يعطي بشاره لغدري
أكيد لجله ذاق من حد الأمواس

وكم واحداً من جملة الناس حدري
وده بشيئاً حال من دونه الياس

أزرى يشيل الحمل والحيل فدري
وعوّد يلم أجناس ويفرق أجناس

ياويل من يدري من اللي مايدري
صدور خلق الله لها حد وقياس

مادام سري ضايقن منه صدري
بصبر ولاني خبل أعلمبه الناس


وبالنسبة للموضوع فعلا قريت هالمعلومة وهي صحيحة وقريت كثير عن فوائد الفضفضة بس مين يطبق

يعطيك العافية اخي الكريم ~