مسآء/صبآح النور لمهندسي المستقبل 
عطله سعيده إن شاء الله 
بما انا خلصنا الثانويه >>>فـــــــــــــكه 
عندي استفسار عن بعض تخصصآت الهندسه الكهربآئيه>>كالعاده كل يوم استفسار 
1-آلكترونيآت وآتصآلآت
2-قوى
نبذه عنها من جميع النواحي
ومستقبلها الوظيفي>>>اهم شـــــــيء 
(اظن البور مظمون التوظيف بس سمعت انو آلآلكترونيآت ماله مستقبل كبير)
وهل بعد ماتخصص هالتخصصين فيه تخصصات تتفرع داخلها لازم اتخصص واحد منها
واخر شيء ايش التخصصات المطلوبه والي لها مستقبل غير الكهربائيه
وشــــــآكر لكم
تحـــــآتي 
|
زي ما قالوا الاخوان ,, اولا قدامك السنة التحضيرية وهي يلي تحدد مستقبل تخصصك ,,
لكن ابشر ,,, بحاول افيدك قد ما اقدر ..
بصفة عامة جميع تخصصات الكهرباء تدرس نفس المواد الفرق يكون بآخر 6-8 مواد بس ..
اما التخصصات الدقيقة : الكترونيات واتصالات - بور (قوى وآلات) - حاسبات - طبية
مافي بعد كذا تخصيص ..
الكترونيات واتصالات اصعب من بور ,, وهندسة حاسبات سهل اما طبية متوسط لصعب ..
بس كلها نفس المستقبل .. يعني ما اظن به مشاكل بالتوظيف ..
وان كان الغالبية تؤيد البور انه الافضل ,,
على العموم يلي تدرسه في الهندسة الكهربائية حاجات كثير معتمدة على الفيزياء والرياضيات والبرمجة بشكل أساسي .. وتحتاج للمذاكرة اليومية ..
يعني مو قبل الاختبار بيومين تذاكر ,, والا حيكون مصيرك الدرجات الواطية او الرسوب
اذا ما تتحمل الكرف شوف غير الكهرب .. بس بالنهاية ماهي صعبة دامك تذاكر اول باول.. بل كلوا سهل بس لازم تديه حقه ..
طبعا لازم تتمكن من الانجليزي عشان تمشي مزبوط لانو فيه دكاترة مو عرب كثير ,,
لكن اغلب الدكاترة طيبين ويشرحوا مزبوط ,,
والكتب طبعا مو عربي ..
واخيرا ,, التخصصات الآخرى ,, وبعضها اشوفه احسن من الكهرباء
الهندسة الكيميائية ,, مطلوبة من كل الشركات
الهندسة الميكانيكية ,,
المدنية طيبة بس احس مستقبلها بدأ يلفه الغموض ,,
اتمنى اكون افدتك ..
موفق ,,