رد: ما أدري هل النساء يتحدون الأنظمة في السعودية ؟؟؟ / القبض على فتاة تقود السيادة
بسم الله الرحمن الرحيم,
اول شي انا لا أؤيد سواقة المرأءة للسيارة في الوقت الحالي
لعدة اسباب راح اذكر اهمها
اول شي الزحمة ياهوو يابشر انا ابغى اتكلم عن زحمة جدة بس
انا سرت اكره اطلع مكان من كتر مااجلس بالسيارة بالساعات مو عشان المكان بعيد عشان الطريق زحمة
ودوبنا بادين نهضة وتطور الناس خلصوا انفاق واحنا لساعنا في الكباري
تاني الشي وهوا الاهم تفكير بعض الشباب الله يهديهم
اللي * واحد في اليتيوب يقول لو ساقت الحرمة انا اول واحد باتحرش بيها
بالله هدا الكلام يصدر من انسان مسلم ياخي ادا انتا بتقول كدا الكفار ايش بيقولوا
يعني بجد تفكير بعض الرجال فيه قمة التناقض مابيخليها تسوق غيرة عليها وبعدين أي وحدة بتسوق بيتحرش فيها
الدول الخليجية ماهي دول مسلمة والحريم بيسوقوا فيها زي الفل وفي الامارات في سائقات للتاكسي
ياعالم فيه ناس بجد محتاجين يقضوا مشاويرهم لكن بيخافوا يطلعوا مع اللموزينات بيحرموا نفسهم من التعليم والمستشفيات
واللي مايبغى اهله يسوقوا لا يسوقوا احنا مانبغاها فشخرة السواقه للضرورة
ومااظن في فرق على سواقه المراءة للسيارة في البادية والمدينة ولا في ارامكو الشرقية
كلنا عايشين الحمدالله في دولة واحدة وحكم واحد يا يتطبق على الكل او ينمنع عن الكل
وانا زي ماقلت في البداية معارضة دا الشي في الوقت الحالي
وصلى الله على نبينا محمد وبارك
|