[نمر من النمور]

أذكر وانا صغير كان عندي 50 ريال


ورقة خضراء تقرمش من كثر ماهي جدييييييدة


ماكانت عندي إلا هيا ومحتفظ فيها لأني أول مرة في حياتي يمكن تكون 50 ريال حقي

المهم


كانت أيام التبرعات أيامها لفلسطين

كنت أتمنى ..

واللهِ كنت أتمنى أروح أعطيهم هيا ... وأصيح على أمي أقول لها أبغى أتصل عليهم وأقلهم نمر من النمور يتبرع بـ 50 ريال زي الناس اللي تتصل وتتبرع بالألوف

لكن ربي ما أردلي .. بس والله كانت أمنية الله يرزقني أجرها







صراحة ما أقدر أقول إني كنت غبي .. لأنه بجد أنا إنسان ماني غبي

لكن كنت بمعنى أصح شبه مغفل



الآن كبرت وصارت عندي بدل الـ 50 أضعاف أضعافها

لكن أتبرع فيها !!! للشعب الفلسطيني !!!!!!!!!!!

أبدا لايمكن


قلتلكم كنت مغفل وكنت زي أي واحد مغفل يظن إن الشعب محتاج فلوس

الشعب الفلسطيني ما يبغى فلوس هذا كانت توصل لهم

الأخوان الفلسطينين يبغو وقفة إسلامية مو عربية وخرابيط

وقفة إسلامية صادقة بمعنى الكلمة

من يوم ما ولدنا و الإخوان في فلسطين من سيء لأسوأ

صدقوني لو أدري إن الشعب محتاج تبرعاتنا .. اول واحد حكون أنا

لكن الشعب محتاجنا إحنا مو محتاج فلوسنا (تبرعاتنا )



نكسة والله يا أمة الإسلام

والله نكسة

ياويلنا من رب العالمين

الرسول صلى الله عليه وسلم يقول: انصر أخاك إيش !!

وهو ظالم

فما بالك وهو شعب بأكمله مظلوم !!!!!!

ونحن لا ناصر و لا هم يحزنون

لا حول ولا قوة إلا بالله


نحن خذلناهم فكن أنت ياربي معهم
نحن خذلناهم فكن أنت ياربي معهم
نحن خذلناهم فكن أنت ياربي معهم