[مجووـود]

الله ييارك فيك أخوي "مجووـود"
قد تظن انك اجبت بشيء بسيط ولكنك والله اجبت بالكثير ويكفي انك انرت طريقي في امور كثيرة من اهمها عدم الاعتماد على الملخصات
عزيزي واتمنى ان تقرأ هذه الكلمات لو مررت مرة اخرى على هذه الصفحة
أتمنى ان اعرف منك ماهي الكتب المطلوبة
ك انقليزي 101 كتاب كذا وكذا من مكتبة كذا
الاحصاء كتاب كذا من مكتبة كذا بالإضافة الى ملخص من مكتبة كذا
وهكذا

وان لم تمر مرة أخرى وتقرأ كلماتي هذه
فأسئل الله في غيابك ان يكتب لك التوفيق حتى ترضى
مشكور يانظر عيني ومشاركتك شرفتني عزيزي [/quote]


العفو ياأخوي ماسوينا الا الواجب واللي أعرفه احاول اني اقدر افيدك فيه

بالنسبه للكتب والملخصات على حسب جدولك اللي بينزلك عند تسديدك للرسوم
انا اول ترم لي في الجامعه سنه تحضيريه وكانت خطتي أ .. وكانت المواد اللي تشمل هالخطه
الاحصاء , اللغه الانجليزي 101 , مهارات الاتصال , مهارات التفكير .., اربع مواد
أول مانزل لي الجدول رحت لمكتبه المهندس وشريت الملخصات تبع هالمواد وحسب افاده الأخ اللي في المكتبه بعد سؤالي له هل أشتري الكتب احسن من الملخصات فقال أن أكثر المنتسبين في هالجامعه يشترون الملخصات لأن الكتاب سعره غالي وايضا الملخص يلخص مافي الكتاب وأعتمدت ع كلامه وماأخفيك الملخصات كويسه وميسره بس مثل ماقلت لك في بعض الاسئله أول مره اقرأها في أسئله الاختبار ..

قابلت طلاب في الاختبار وافادوني بأن ملخصات دار الهدى أفضل من مكتبه المهندس وفي طلاب العكس يمدحون في المهندس ولا عاد عرفت علشان كذا نصحتك بشراء الكتب ..
يعني على حسب جدولك وخطتك أن كانت ( أ ) أو ( ب ) تعرف الكتب المطلوبه ..

وانا ترى عندي ملخصات لازلت محتفظ بها ان كانك ترغب فيها فاأبشر ومن عيوني وعندي لك مدرس احصاء ورياضيات اذا احتجت له ممتاز في شرحه .. طبعا اذا كنت من سكان الرياض ..

وفي الاخير اخوي الامور طيبه وميسره و السنه التحضيريه سهله بس يبيلك تشد حيلك شوي وتذاكر علشان تجيب معدل مرتفع وتدخل التخصص اللي ترغبه ويمكن هالمعلومه قد سمعتها من قبل انك تقدر تختبر السنه التحضيريه فقط في نفس منطقتك عند دفعك مبلغ 1000 ريال لشركه العالميه ..
الله يوفقك ويسسهل امورك ..