[قاهر المتكبرين]

الرسول عليه الصلاة والسلام يقول "لم نجد للمتحابين غير النكاح" .. لكن في مجتمعنا العظيم يبدو أن العبارة الصحيحة هي "لم نجد للمتحابين سوى الكبت وأن الـ حب عيب وحرام وراخح نذبحك" ..

فعلاً مما يندى لها لجبين أن ارى جامعي يكتب بالحرف "الحب قبل الزواج حرام" .. لييييييييييييييييييه يبو ليه؟وحدة تشوف قريبها من وقت للثاني وتعرف أخلاقه وحبته أذنبت؟؟؟ انكتب لها ذنب؟؟ واحد قابل وحدة في عمل وما كان بينهم غير احتكاك العمل عجبته وعجبها وحبو بعض واتزوجو وعاشو في تبات ونبات على قولهم .. أذنبو؟؟؟ تعتقد فعلاً انه انكتب لهم ذنب على الفعلة دي؟؟ أبغى جواب على هالسؤال فقط بنعم أو لا ..

يا جماعة الخير نسب الطلاق بين الأزواج الشباب في ارتفاع مخيف .. في محيطي فقط من أقارب الدرجة الثانية ثلاث حالات طلاق خلال سنة واحدة! انتو مستوعبين النسبة؟ شي مرعب وكل واحد من هالحالات ما كمل مع شريكه فترة الملكة بس ..

تعرفو السبب؟ لأن شباب وبنات هالجيل ما عاد ينفع معاهم (والله لقيت لك عروسة كويسة وبنت ناس إلخ إلخ) وطخ طخ خلصنا الأمور واتزوجو وانبسطو زي ما حصل ما آباءنا وأمهاتنا .. الجيل دا أكثر تفتحاً وصار له شروطه الخاصة .. والاستثناءات موجودة بالطبع ..

لازم نفرق بين "الحب قبل الزواج" و "العلاقة قبل الزواج" .. العلاقة قبل الزواج يعني خروج وديت ومسخرة وقلة حيا .. الحب قبل الزواج غير .. وأنا صراحة نفسي أعرف مين اخترع المثل الغريب دا "ما بدأ بحرام فهو حرام" .. الغلط ما يتصلح يعني؟ دا في حالة العلاقة قبل الزواج .. ممكن يتوبو ويسترو على بعض ..