[نوره الغامدي]

بسم الله نبدأ


ما دامك حلفت ’ و رأيي مهم جداً ... قررت إني أرجع ثاني :)


أوما موسي ..مرره ما أحب البيره خير شر ..و كمان ليز فلفل و ليمون لااااااع


بس يمكن عصير ندى فراولة > سر الطبيعه النقية


اتاريك مخربها من سنة أبو هجران


يا خوفي تنتكس بس <<< ما تبشر بخير


الا انت ايش حكايتك يا واد ؟ زواج و زواج ؟ ايش مصيبتك بالزبط ؟


ما علينا


مدري ليه دايم تحسسني انه الكل صار يكلم و عنده علاقات !

أجل انا و أخواتي على بنات خالاتي و خيلاني و بنات عمي و صاحباتي , جايين من أي كوكب ؟

ولا احنا ملائكة موجودين عشان ننقذ هذا العالم القذر


ترى مو ضروري يكون عندي ماضي أليم , أو لازم و لابد يكون عندي عشيق أقدر أعيش حياتي طبيعيه و ربي


و بالمناسبه ترى أهلي موفرين ليا كوووول حاجه .. منتهى الحرية , و واثقين فيني ثقه عمياء , ولا أحد يسألني على الطالعه و النازله .. يعني بإختصار لو أبغى أتعرف و أسوي حكايات روميو و جولييت أمداني سويتها ! بس القضية لا تكمن هنا , المسألة مسألة مبدأ و رقابة ذاتية


أممممم بالنسبة للحب ما قبل الزواج ...


طيب انت قولي كيف أحب ؟ يعني احنا مو عايشين برآ .. ولا ادرس أو أشتغل فـ مكان مختلط , ولا عندي لف و دوران فـ النت .+ انه قلبي مفقوع من أقاربي

يعني ببساطة شديدة حـ أدق الحنك مع واحد كذآ , و احبك و تحبني , و ما أقدر أعيش من دونك .. و فرضاً لو فعلاً حبيته من قلبي , و كنت مخلصة و صادقة .. حـ أقوله تعال عند أبوي و كلمه اذا انت فعلاً جاد , طيب ايش ضمنِّي انه ما يسحب عليا ؟ أو يتعذر بأعذار واهية .. و النهاية كيف حـ تكون يا ترى ؟

no no no

.. انا ما عندي أي استعداد أسلم قلبي لأي واحد ! و الحمدلله ربي منعم عليا بالراحه و الحب من اللي حوليني و بصراحه متناهية ...


I'm in love



with my studying > أهم شي فـ الحياة



ما أنكر انه أعرف ناس حبت بعض , و تزوجو و عندهم عيال و مبسوطين لا شك و لا قلق .. و كمان أعرف ناس حبو بعض حب عفيف طاهر .. بس سبحان الله ربي ما كتب لهم نصيب :)


و ما انسى انه فيه ناس كثيييير تزوجت زواج تقليدي عادي , و ماشاء الله عايشين حياة سعيده ’


ممكن الواحد يحب قبل الزواج , المشاعر مو بيدي و لا بيدك .. احيان كثيرة فعلاً تكون الطريقة غلط بس تنتهي صح ! يا بزواج أو انفصال ’


يعني اذا الواحد صار انه حب و خلص يا ليت يدق ابواب البيت , مو يجي من الشبابيك ’

أو خلاص ينهي الموضوع بطريقة وديه .. و كل واحد يروح فـ طريق :) و يا دار ما دخلك شر


و ترى على فكرة مو شرط أي اثنين حبو بعض , يتزوجو’ لا ! مو لازم :)

و بعدين فكرو كذا مع نفسكم كم شاب تعرف قبل زواجه ؟ و كم مره حب .؟ و كمان البنت ؟

مو معناته اذا ما تزوجت الحبيب خلاص أضيع فـ المشمش ! صحيح شي يعور القلب ’ بس الدنيا ما توقف , سبحان الله يمكن بكرا ربي يرزقني بواحد مصلي مسمي مافي زيه .. و أصير أحبه و أعيش معاه أحلى حياة ’ و نفس الكلام لأي شخص


عموماً لو جت علي .. لا أؤويد الموضوع ^ــــــــــ^



/



تشكراتي الجزيله خيو , و الله يرزقك الزوجة الصالحة :)


و أهم شي يثبتك على الخير ’