[ǁ غــلأآإ ، رٍوٍحــي ǁ]

المشاركة الأصلية كتبت بواسطة قدرات+90 ^^^^^^^^^^^^^^^^غلا بليـــــــــــــــز صح دا الكلام

الأمر الملكي كآن واضح ومحدد ..
( أمر بقبول حتى 70% من خريجي الثانويه العامه )

يعني 70 بالميه من الخريجين راح ينقبلوا بالجامعة ،،

وكلآم العميد كمآن يوم اتكلم وقآل ..
[ سيتم قبول الطلبه المستجدين حسب نسبهم والاماكن المتاحه لهم ]

---

المشاركة الأصلية كتبت بواسطة D.Mema السلام عليكم ورحمة الله وبركاتة انا طالبة ثانوية تخصص علمي انهيت المرحلة الثانوية بنسبة عالية والحمدلله واتمنى ان درجة القدرات والتحصيلي تكون من افضل مايكون .... نحن بانتظارها انشاءالله تطلع هاليومين عندي استفسارات كثيرة..واحسني ملخبطة مررة ابي استفسر عن السكن وهل له كذا فرع؟ كيف التقديم للسكن سهل او صعب لانني برا جدة وش المطلوب علشان اقدم بالسكن؟يعني اوراق واثباتات وكذا؟ وهل السكن قريب من الجامعة وهل تتوفر مواصلات للنقل؟ وابي اعرف معلومات تفييدني عن السكن من توفر مطاعم وكافتريات ....الخ؟

كل شئ تبغيه عن السسكن هنآآ .. وتقدري تحطي سوالك بالموضوع ..
(للمستجدات) .. كل ما تريدي معرفته عن السكن الداخلي للطالبات فرع السليمانيه


واذا انقبلتي في فرع الشرفيه ، رآح يكون هنآك سكن خاص فيه
واذا انقبلتي بالسليمانيه ، رآح يكون هنآك سكن ثاني خاص فيه

انا قدمت عن طريق الانترنت طيب بعد ماتطلع الاسماء انشاءالله وانقبل ايش الاجراءات؟ وبخصوص الجامعة اول سنة تحضيري طبعا؟ بسس هل اختار تخصصي من بداية التقديم؟ وكيف اعرف اذا كنت راح ادرس بالجامعة الرئيسية او احد فروع الجامعة؟(علما بان نسبتي حلوة والحمدلله) ومتى احدد رغباتي على اساس انه اذا م كتب ربي رغبة تتحق الرغبة اللي بعدها؟ وايش هي الاوراق الثبوتية والمستلزمات اللي احتاجها للتقديم؟ وهل في مقابلة شخصصية او لا ؟وايش الاسئلة اللي بالعاده تطرح؟ بلييز ابي احد يجاوبني على كل تساؤلاتي وآسفة على الاطالة وجزى الله خيرا لكل من اهتم بموضوعي

- بعد مآتنقبلي راح اعلمك ايش الاجراءات ،، والخطوات وكل شئ
وايش الاوراق والمستندات اللي تجهزوهآ للتقديم .

ورآح ينزل كل شئ بمواضيع مثبته وكامله مع الشرح ..


- تختاري تخصصك في نهايه السنه التحضيريه ،،
ولكن مثلن انتي تبغي تخصص طب رآح تختاري مسار علمي //
امآ لو كانت ميولك انك تبغي تتخصصي علم نفس تدخلي مسار إداري //

- لمن ترآجعي الجآمعه لاستلام البطاقه الجامعيه .. رآح يكون قدامك الخيارات
تختاري اما الفرع الرئيسي او الفروع الاخرى

- تحديد الرغبات والتخصصات يكون في منتصف الترم الثاني من السنه التحضيريه

- لمن تنقبلي بالجامعه ، رآح تنطبع لكِ ورقه بالاوراق الثبوتيه < عجبتني الثبوتيه

- مافيش مقابله شخصيه ،، بس جهزي نفسك واتوكلي على الله


اتمنى أكون وفقت بالإجابه ..
< إحس اني بقاعه اختبار