ماقصرتي اختي الغاليهـ
جزاگ الله خير
تيب سوال سوري احس كثرت أسئلتي
هو كل يوم نطلع الساعهـ خمسهـ؟!
وهل نظطر ندوام يوم الخميس في بعض الحالات
وكمان بسال عن تعامل الدكتورات معاكم خصوصا في المعامل
هل في أشياء لازم أتجنبها
عشان ما اكسب الدكتوره ضدي أتمني سؤالي يكون واضح
ويعطيكم العافيهـ
|
اولا مرررررا اسفة ردك سقط سهوا من جد سوري :$
بالنسبة للدوام الترم الاول كنا ايوا كل يوم من 8 لـ4 و بريك من 12 ل 1 كم يوم بس اللي خرجنا فيها 5
الترم الثاني الدوام كان اقصى شيء 2 او 3 .. و ولامرة داومنا فيها خميس ايام التحضيري بس
الدكاترة جدا كويسين و الله .. و مافي شيء زيادة ممكن انك تسويه غير اللي كل دكتور ييغاه في محاضرته .. محد يتكلم الكل يلتزم الهدوء و اذا عندك سؤال تساليه .. و ع العموم في اي معمل او محاضرة كل ماحتجيكم دكتورة راح تقولكم على اسلوبها
:)
يعطيكي العافية دكتورة فرفوشة او دكتورة شيماء .. الي يعجبك
بصراحة هذا الي انا خايف منه يجي شيء من شرح الدكتور
يعني لازم اسجل المعلومات الي يقول الدكتور عنها مهمة وحتجي في الإختبار << رجعنا لايام الثانوي 
طيب سؤال ثاني .. سوري كثرت عليكم الأسئلة 
في شيء عندكم اسمه تست بانك ( يعني زي الأحياء في السنة التحضيرية الإختبار ما يخرج عنها )
وفي عندكم old exam .. يجي الإختبار مشابه له ؟؟
وكمان ايش هي افضل مكتبة نجيب منها كتب الطب ؟؟ انا الي اعرفة مكتبة محمد ومكتبة الكتاب الطبي .. فيه غيرها ؟؟
|
ناديني باللي يريحك ماتفرق < كل الطرق تؤدي الى روما
عالعموم كتابة النوتز مع الدكاترة شيء جددددا مهم يخليك ترتب افكارك وقت ماتجي تذاكر ..
بالنسبة للتست بانك ماعندنا شيء كذا .. بس في حاجة اسمها كومون .. شيء مفيد عبارة عن تجميعة لاختبارات السنين اللي فاتت و اسئلة شائعة تجي في المادة ..
زي ماقلت انت افضل مكان تشتري من. هوا الكتاب الطبي و كمان مكتبة المريخ و نصيحة لوجه الله لحد يشتري اي كتاب من جرير ><"
و حياك دكتور في اي وقت :)