[LeLou]

و عليكم السلام و رحمة الله و بركاته..
كل شي في العالم له مميزاته و له عيوبه..
أكبر عيب اشوفه في الجامعة خصوصا عندنا احنا البنات انه مافي تعاون من قبل المنسوبين و الواحد لو يبي شي بتنفجر مرارته و رئته الين احد يقول له ايش يسوي اصلا..
و مو الكل بصراحة في ناس متعاونة جدًا..
باختصار أحس مافي رقابة..
بس اللي اسمعه انه ده عندنا بس احنا البنات..

بالنسبة للتعامل هذا كل واحد و اخلاقه..
بس عمومًا اللي تعاملهم سيء انا اشوفهم قليل..
و الجامعة مو زي المدرسة أساسًا انت مو مضطر تحتك بالدكتور،، خليك هادئ في المحاضرة ما احد بيدرى عنك..
و اللي تعامه سيء كبر راسك و سيبك منه و لا تحتك فيه من اصله..

أما بالنسبة للظلم هذا كل واحد و ضميره يعني ممكن تحصل دكاترة ما يخافوا ربنا لكن هذي بصراحة اقلية قليلة...
و لا تخاف من ده الموضوع اذا في يوم حسيت درجتك نازلة تقدر تشوف ورقة اختبارك و ترفع شكوى لرئاسة القسم و يشوفوا ورقتك من ثاني يعني لا تسمع الاشاعات الغريبة حول هذا الموضوع،، ده كان ايام ابويا و ابوك..

ترى بصراحة جامعتنا مرة كويسة و لا تسمع كلام اللي ينتقصوا منها،، هي صح فيها أشياء احيانًا تجلط ما أنكر..
لكن لو تشوف ابن سينا كيف اخويا يدرس فيها كل ما اتكلمت على الجامعة يقول اسكتي و احمدي ربك.. الحمد لك يا رب..
و يكفي انه شهادة جامعتنا أقوى من كل شهادات الكليات الخاصة..

نصيحة اخوية من بدري:
ترى الدراسة في الجامعة مو زي المدرسة،، هي مو صعبة جدًا بس يبغالها شدة حيل ما في أحد راح يجري وراك و يقول لك ذاكر هذا و لا تذاكر هذا..
و لا تسمع كلام اللي الله يهديهم يقعدوا يقولوا بنرسب و ما بننجح و بنعيد و بنحمل و لا تتعب نفسك،، الكلام هذا كله حطه صفر عالشمال..
صح الدراسة مو سهلة بس مو صعبة و متستعصية لو شديت حيلك بتجيب درجات عالية بالراحة بإذن الله..

و أولا و أخيرًا استخير قبل كل شي الاستخارة أهم حاجة..
بالتوفيق و آسفة على الاطالة~