[سكووت]

صراحة الموضوع طويل قريت منو شويا و بعض الردود طويلة و انا ما احب اقرا النسخ و اللصق احب اقرا تعبير الشخص و اسلوبه الشخصي بعيد عن نسخ و لصق و هو يقدر يدلل و يشغل عقله و يبحث بدون ما ينسخ و هذه وجهة نظري الشخصية..
راح اقول عن رأيي الشخصي بالموضوع :
الاختلاط مصطلح اخترعوه "البعض " يعني مصطلح مستحدث لا وجود له لأن المجتمع قائم على ذكر و انثى يعملون و مكملين لبعض و في السيرة النبوية نقرا قصص لنساء زي المرأة التي كانت تبكي على القبر و لما مر الرسول لم تعرفه , و المرأة التي اخذت الرسول على جمب الطريق عشان تكلمو في شي و اول محتسبة على الاسواق كانت امرأة ...الخ يعني الاختلاط كلفظ مستحدث هو اصلا شي موجود في حياتنا اليومية و لا مفر منه سواء في الشارع , عمل , مستشفى , مول , بحر ..الخ و طبيعي و انا ماشيه في اي مكان حشوف رجال في كل مكان لأن هذه حياتنا و صعب نفصل الجنسين فصل تام عشان خاطر اصحاب اللفظ الجديد اختلاط و الا فصلنا السعودية نصين شمال نساء و جنوب رجال ..

التركيز في السنة النبوية كان على الخلوة و متى تكون خلوة بنظري لمن الطرفين يفعلون افعال تدل على انهم يبغون خلوة يعني مكان معزول عن العالم , مو 2 في سيارة و بين العالم و الناس و بنص الشارع و نقول خلوة .. ولا كان نص الحريم اللي بتكاسي في السجون بسبب خلوة و انا اولهم .. و فرضا انا اعمل في مكتب و مع شخص اخر في نفس المكتب , ما اقدر اقول انو انا بخلوة لأن المكتب في شركة و مكان عمل و الناس داخلة وخارجة ومافي قصد او نية خلوة ..
وجهة نظري الشخصية و شكرا بنت ابوها عالموضوع ..