[مشمشانا]

ما شاء الله الكل هنا مبدع و ان شاء الله راح تحبو الصيدلة اكثر كل يوم

--------

مظلومة انا سبق وقلت راي بس راح اقولك كان معانا بنت العام بالبداية زيك بس اللحين هيا مرة مبسوطة
و فكرة التحويل ما تجي في بالها ابدا و زي ما قلت لازم تحبي الشي عشان تقدري تتحملي

انا كل ما راوح اي مكان او زواج عزومة اسمع نفس الكلام و نفس التحطيم
وليه ما تروحي تدرسي عندك اخوكي ليه ما تحولي ليش تتعبي على ولا شي
الكلام دا كان مرة يقهرني و اقعد اشرح و اشرح و اتكلم بس احسهم ما يصدقو
و لا يقولو اكيد انها تقول دا الكلام عشان ما قدرت تدخل اسنان ولا طب مع انو كان بامكاني
مع انو ولا احد من اولادهم حقق دا الشي ب دحين سرت اسمع و ابتسم و اكمل عادي
لانو عرفت انو الاثبات الوحيد اني اكمل و انجح و اشتغل و اثبت نفسي لنفسي اول شي
طالما انا اتعب عشان الناس عمري ما راح انجح لازم احب نفسي و اتعب عشانها
لانو المستقبل ملك ليا مو لهم و بعدين لما اوصل للشيء اللي ابغاه ساعتها راح يعرفو

كل الاهل حلمهم انو عيالهم يا دكاترة او مهندسين سواء كان دا الشئ يبغو او لا
لازم ناخد براي الاهل بس مو معناتو انو الصح سعادتك و مستقبلك ملكك مو ملكهم
انا بكلمك لانو وضعك يشبه وضع وحدة من اعز صحباتي امها مصرة ترسلها بعثة
عشان تدخل طب و مي مقتنعه بالتخصص اللي دخلتو بس الفرق انها مصرة تكمل فيه

-------

دررق لك وحشة ^^