[Majed7]

المشاركة الأصلية كتبت بواسطة تبطي عظم الله يعطيكم العآآفيـــة و يكتب مآ قدمتم في ميزآآن حسنآآتكم عندي إستفسآر أحد يشرح لي هذآ الجدول : وفقكم الله

الله يعافيك .. شكرا عالدعوة :)

بالنسبة للجدولـ ..

عشان تدخل تخصص معين .. لازم تحقق النسبة الخاصة حقته - عشان تدخل بالمفاضلة مع الطلبة المتنافسين على المقاعد - , وإذا حققت النسبة الخاصة إنت والطلبة اللي حققوها راح تتنافسوا عالمقاعد بنسبكم العامه :)


خلينا ناخذ الطب كـ مثال ..

النسبة الخاصة للطب هي ( درجة الفيزياء .. درجة الكيمياء .. درجة الأحياء .. درجة الإنجلش ) مقسومة على عدد ساعاتها ..

إذا كانت النسبة فوقـ الـ 85 - لان الطب والأسنان لازم تكون النسبة الخاصة فوقـ الـ 85 - راح تدخلـ بالمفاضلة النهائية وما راح يستبعدولك الرغبة ..

ولاحظ بالجدول اللي عندك إنو النسبة الخاصة للطالب 84 .. عشان كذا استبعدوا منه كلية الطب والأسنان :)


مثلا فيه عندنا طالبين .. الأول نسبته الخاصة للكليات الطبية ( فيزياء .. أحياء .. كيمياء .. إنجلش ) 95 ونسبته العامة 90 ..

وطالب ثاني نسبته الخاصة 85 ونسبته العامه 91 ..

الطالبين حققوا النسبة الخاصة ( يعني كلهم جابوا الـ 85 اللي تشترطها كلية الطب ) .. فـ على كذا راح يتفاضلوا عالنسبة العامة - اللي هيا كل المواد اللي درسها بالتحضيري - واح يكون الطالب الثاني قبل الطالب الاول في المفاضلة !


وعندك كلية الصيدلة والعلوم الطبية التطبيقية وطب - فرع رابغ وشمال جدة - يطلبوا النسبة الخاصة فوقـ الـ 80 ..

والهندسبة نسبتها الخاصة فوقـ الـ 80 .. لكن لاحظ الهندسة النسبة الخاصة موادها ( الرياضيات .. الفيزياء .. الانجلش ) ..

والحاسب مثلا .. نسبته الخاصة ( حاسب .. إنجلش ) ..

وتقريبا لو درجاتك عالية لا تخاف من هالناحية - اللي هيا تحقيق النسبة الخاصة - ..

لكن انتبه : لاحظ تخصص الأسنان وقف على 79 % .. تدري ليه ؟

فيه طلبة كثير ما قدروا يحققوا النسبة الخاصة للأسنان .. وصاحبي مثلا نسبته الخاصة 83.6 % ونسبته العامة 86.4 % وما دخلـها :)

وعلى كذا فيه واحد نسبته الخاصة فوقـ الـ 85 .. ونسبته العامة 80 ودخل الكلية ,, مع إنه فيه طلبه نسبتهم العامة أعلى منه .. لكنهم ما حققوا الخاصة .