[الى من يهمها امري]

السلام عليكم ورحمة الله وبركاته

هذه قصيدة كتبتها من شي في قلبي ولا نستغني عن ملاحظاتكم.اترككم مع القصيدة:



أقنص وماني للمقانيص عشاق..................لكن هم(ن) في فؤادي ازيحه
هم(ن) لفاني من قسا بعد وفراق...............اذكر وليفي واتذكر مزيحه
ارمي الهدف والدمع فالعين براق...............واشبه الصيده بنفسي الجريحه
اجلس طوال الليل ساق(ن) على ساق.........من بعده اعد النجوم الوضيحه
هايم على وجهي من الحب مشتاق..........شوفة عيون(ن) هيضت لي القريحه
خريف حبه ضمني هل الاوراق.............ليت الربيع يزور قلبي يريحه
حتى غراب البين له صوت ونعاق...........وابغي اضمه غير اخاف الفضيحه
يازين قول العاذلي كذب ونفاق.............جاب الخطا دون العلوم الصحيحه
وانته على طبعك مسالم وصداق.............تاخذ ببالك كل كلمه وصيحه
يازين شف درب الهوى صعب(ن) وشاق.....وانته غرير(ن) فاستمع للنصيحه
دامك ورا هرج المعادين منساق............برج الغلا العالي تراك ابتطيحه

وسلامتكم.