السلام عليكم ورحمة الله وبركاته
كيفكم ياحلوين 
انا دا الموضوع فاتحاه ليا ولغيري عشان يستفيدو بالنسبه للجداول والمواد
انا حتكلم على اساس انو إن شاء الله حنقبل في قسم الاحياء
انا شفت الخطه للقسم واطلعت عليها
للي حاب يشوفها
وراح ابدا اول الاستفسارات
إن شاء الله راح تكون دي اول سنه في القسم
ودي موادها
نبدا الاسئله :
1- في كل مستوى لازم ادرس 7 مواد ؟؟
لا مو لازم و ع كيفك حطي زي ماتبي
2- إذا ايوا اتكلمولي عن المواد وكيف اعمل كوكتيل بين ايت مواد عشان مايكون مستوى موادو صعبه ومستوى موادو سهله ؟؟
بالنسبة للصعوبةة تعالي هنا ونحنا نقلك ازا صعب جدولك ولا لا
3- بالنسبه للماده الحره ايش هيا المواد الحره اللي ممكن اخدها ؟؟
المواد الحرة من بره تخصصك زي مسلن تاخدي المواد السهلة من كلية الاداب او الاقتصاد
4- تحت المواد الحره في فراغين ايش نعمل فيهم دول نتصور جنبهم 
؟؟ ولا نظيف مواد حره كمان ولا ايش حكايتها ؟؟
ازا تبا تمشي ع الخطة امشي وازا ماتبي براحتك و ع حسب قدرات الشخص وتقدري تزودي عن الخطة بس هادي مسموح بيها للي بيتخرجو خلاص واللي معدلهم عالي كمان
5- هل اقدر اضيف مواد من مستويات اعلى حسب الخطه ( طبعا اللي مالها متطلب سابق ) ؟؟ ولا امشي حسب الخطه احسن لآني ابا اكون مرتبه من اول سنه مو ملخبطه ايش تنصحوني ؟؟
يب خليكي مع الخطة افضل لا تلخبطي نفسك
وووبس يعطيكم العافيه 
موو لازم تجاوبو على كل الاسئله اللي تعرفوه 