انا من رأيي اختي انك تبقي على وضيفتك وتكملي بالجامعه انتساب ادارة مستشفيات .
خريج ادراه خدمات صحيه ومستشفيات بكالريوس اربع سنوات .. يكون اخصائي
بعد التخرج راح يكون ان شاء الله مؤهلك الجديد بكالريوس ادراه مستشفيات وهو طبعاً مختلف عن تخصصك اللي توظفتي عليه بوزارة الصحه ..( دبلوم سجلات)
كذا مستحيل يكون لك تحسين وضع عن طريق وزارة الصحه لان مؤهلك الجديد (التخصص) يختلف عن المؤهل القديم ..
يعني مثلا انتي الحين معاكي دبلوم سجلات لو كملتي على نفس التخصص واخذتي بكالريوس سجلات تقدرين تطلبين تحسين وضع من وزارة الصحه ..لانه على نفس تخصصك
(((( مثل خريجين بكالريوس المختبرات توظفوا على فني وهو يستحق اخصائي بس لان ارقام الاخصائي غير متوفره تعينو على فني وبعدها طالبوا بتحسين وضع على اخصائي وينتظرون متى تجي ارقامهم ) بس الاهم انهم ضمنوا الوظيفه
لكن بما ان تخصصك اختلف الحل هو ,, تقدمي من جديد على الديوان وانتي على نفس وظيفتك
وعاد تنتظري سنه سنتين اكثر اقل متى ينزل لك رقم ..
وانا سمعت لكن مو متأكد انك اذا قدمتى على الديوان وانتي اصلا موظفه على الكادر الصحي
مثلا ممرض موظف بوزارة الصحه معاه دبلوم واخذ انتساب علم اجتماع او علم نفس او ادراه مستشفيات اي تخصص اخذ فيه بكالريوس وقدم على الديوان تكون الاولويه للموظف اللي مو على الكادر ,, يعني موظف اداري اخذ بكالريوس اداره وممرض اخذ بكالريوس اداره تكون الافضليه للاداري ,,,
هذا الكلام سمعته لكن صراحه مو متاكد منه ممكن يكون فيه بينهم مفاضله او مسابقه ,,
نصيحتي لك لاتفرطي بالوظيفه وحاولي تكملين على نفس تخصصك اذا كان معجبك
واذا حبيتي تكملي انتساب اداره مستشفيات عادي .. انتي اصلا موظفه ومتى مانزل لك رقم الحمد لله
والراتب صراحه مدري انتي على الكادر او لا اذا كنت على الكادر مايفرق كثير الان لكن ب بعد خدمة سنوات يفرق الراتب
الفني يوقف الراتب على 19564.5 والاخصائي يوقف راتبه على 24021.45 الفرق تقريباً 3500 ريال ولاتنسي التقاعد يكون للاخصائي افضل لان اساسي الراتب 21 الف والفني 17 الف يعني فرق 4000 ريال
لكن اذا كنتي الان على السلم العام (المراتب)
اكييييييييييييد راح يفرق كثيرررررررر راتبك
1- نعم اكيد .
2- لا اعلم شي عن الخبر ولكن لا اتوقع انها ممكن تدخل من ضمن المفاضله الخبره تكون افضل
وممكن اللي قرأتي عنه هذا الانتظام بالجامعه لابد من سنه امتياز وليس خدمه ,, لان الانتساب غير مطلوب منهم سنه امتياز عكس الانتظام
ولا يوجد فرق ابداً بين الانتظام والانتساب من ناحية الديوان
وصدقيني لايمكن تندمين على الدراسه ..
والله يوفقك ان شاء الله