هو لو طلع قبولك انتظام بعد ما تسجلي انتساب مو تحولي تنسحبي من الانتساب
انا اقولك اش تعملي
الحين اخر يوم لارسال الاوراق للانتساب هو 30 /8 صح
يعني انتي تاخري ولا ترسلي اوراقك بدري ارسليها على 28 او 29 او حتى 27
عارفه ليه ؟ لانه على ما يطلع قبولك الانتساب تقريبا بعد خمسه ايام او اكثر وبعدين يعطوكي 15 يوم مهله عشان تسددي
يكون الوقت تقريبا 10 رمضان ولسى وقت التسديد ماراح
لانهم يوم 10 رمضان راح يطلعوا فرز اسماءنا فإذا طلع اسمك كان وبها ولا تسددي للانتساب
واذا ماطلع اسمك ماراح يكون وقت التسديد فاتك وتروحي جري وتسددي وتدرسي انتساب
وفي شيء كمان : اذا درستي انتساب وجبتي معدل عالي في التحضيري ممكن تقدمي معامله طلب تحويل من انتساب لانتظام وتحولي
لكن ما اعرف اذا التحويل يجي بسرعة وسهل لغير السعوديين اولا
اسفه طولت بس حبيت افيدك
بالتوفيق
