[heba.]

انت دحين كاتب الكلام دا عشانك معصب و مانقبلت؟؟ صح
اممم طيب لاقدر الله انو انقبلت لأنو لسة القبول ماخلص وممكن النسب تووصل الـ77%
فهل تقعد تقول الكلام دا وتستمر فيه
بصراحه كلامك حلو وباين انك ماشاء الله مبدع ومثقف
بس في خلط بالكلام شويتين

فعشان كدا انا بدي أوضحلك حااااجه مهمة واللي هي أسباب عدم قبولك



اول حاجة( انو المشكلة مو في الجااامعة سكاو أبببدًا ..
طيب ممكن نخليها آخر سبب)
احم احم المشكلة !!!هيااا

فيـــك + اهــلك + المدرسة(من الابتدائي الى الثانوي) وآخر شي هو الجاامعة لانو لو انت كنت تماااام زي انت حضرتك ماتكرمت و ذكرت سابقا
انو الطفل من صغرو يعرفوا هو ايش حيصير في المستقبل طياار طبيب مهندس رجل اعمال طبعاً انت قلت انو حتى الطلاب اللي كانت طموحاتهم طب وهندسة مااااااادخلو التخصصات هادي واحلاامهم ضاعت


اجل كيف انت اللي ماكنت تدري ايش حتتخصص وايش حتصير في المستقبل <<أعــصآآآبك
وطبعا مو انت السبب الاهل هما كمان لهم دور كبييييييير في توجيه الطفل وتربيتو وتنمية موااااااهبو +قدراتو

فأكييد هما قصرو في دي النااحية...

اما بنسبة للأهم وأكبر سبب خلاااك ماتدخل الجامعة هو

التعليــــــــــــــــــــــــم في المدارس السعودية!!
طبعا اكيد الابتدااائي كان غلط وخرااب بسبب المعلمين اغلبيتهم مايئسسوا الطالب صح
والمرحلة الابتدائية من اهم المرااحل بل هي العاااامود الاسااسي في التعليم يعنيي يتخرج الطالب من دي المرحلة وهو مايدري اييييييييش هيا الحيااه يعني لايعرف يضرب ولا يقسم ولا جمع كسور ويستمر هكذا الى المرحلة الثانوية تسألو
5×5=يقعد


دا كلو بسبب انو اساسو خربان

اما آخر سبب من اسبااب عدم دخولك للجامعة
طبعا مو الجاامعة لا
السبب هما المسؤوليين على التعليم يعني كل اشوية قراار جديد

طبعا الطلاااب هما المساكين الي حيكونو فئراان التجارب
..يعني مثلا الـ(القدرات والتحصيلي) والله لو كاانت دحين اسئلة وزارة والله كان احسن وأفضل ويمكن كان دخلت الجاامعة
يعني دحين من بعد التعليم اللي تدرسو في مراحل التعليم من الابتدائي الى الثاانوي والتخلف
يجيك الطاالب نكبة<<
ماااااعندو اي نوع من القدرات
يقومو يختبروه اختباار حق ذكاء وثقاافة لا والوقت ضيق جدا يعني لو ادووه ضعف الوقت داك ماكان حل طبعا اغلب اللي يجيبو نسب بالحض
واللا التحصيلي سنة اولى وتاني وتالت كووووووووووولها مرة وحدة في يوم واحد في سااعتين
ويااليت الاسئلة تكون سهلة اسئلة الوزارة اسهل
.....اما انو تلووم الجامعة فهادا ااخر شي لئنها الأقـــل ذنباٌ من اللي قبلها وهي آخر شي
يعني ماقول انو الجامعة تماام اكيد فيها اشيااااء كتير مخربتها زي الـــ(فيتامين واااو ) <<ا للي ماتستغني عنو اذا كان موجود عندك طبعا
والكثييير
المهم انا حبيت اوضحلك المعلومة طبعا انا كلامي يمكن يكون صح وممكن يكون خطأ
يعني مشيهاااااااا ادا كنت اتنرفزت
وفي الختآم << اهم شي الخاتمة طيب وين المقدمة
ارجو ان تتقبل كل لاامي او بعضو بالرحب
وانا اتمنااااالك القبوول
في داخلي احساااس يقول انو حيقبلوووك
<<من بعد المقاال اللي كتبتو طبعا