[واقعية]

المشاركة الأصلية كتبت بواسطة ملك ستايل اهلين اهلين شوفو مين رد عليا وواقعيه ياهلا ياهلا نورك غطي المنتدي هلا والله خيتو الغاليه والله انا اتحطمت تدرين تونى ادري منكم انو خلاص نزلو التخصصات بس تخصصين جد تحطيم فكرت الانجليزي ممكن اصير مدرسه واصير معتمدم من ديوان الخدمه المدنيه او مترجمه بجد محتارة اخاف اخد تسويق ولا موراد يقولون مش متعرف ناخذ المنتظمين

شوفي من جهة الاعتراف وكده بالنسبة للموارد والتسويق انا رايي من راي حسان

مابيفرقو بين المنتظم والمنتسب غير بالمهارات والخبرة خصوصا البنوك والشركاات الخاصة

بالنسبة للانجليزي بصراحة منا مؤيدة فكرة انو الواحد يتخصص انجليزي لانو شي اقدر اخده من معهد وبشهادة معتمدة

لما يكون معك شهادة دبلوم او توفل مع شهادة جامعة بتخصص تاني شي جدا حلو

والانجليزي فرص العمل بس مترجمة او معلمة استخيري قبل لاتخطي اي خطوة

المشاركة الأصلية كتبت بواسطة ملك ستايل واقعيه ارضى بقردك لليجيك الى اقرد منه خليك موارد ولا تسويق افضل من علم نفس بكثير ولا خلينا نحول انا وانتى انجليزي ممكن تصيرين معلمه باحد معاهد الغه الانجليزيه الكبيرة

ههههههههههههههههههههه المثل هادا يجذبني كتير

انا كنت بس استنى التخصصات تنزل والتخصص اللي ابغاه ماهو موجود وانا والله ماني ندمانة عاللي درسته بادارة الاعمال اغلب المواد كنت احبها الا العربي والمحاسبة بالعكس ارتفع معدلي وكمان استفدت منها

بالنسبة لعلم النفس انا مقتنعة فيه تماما وهادا ميولي اصلا لاني اميل لتحليل الشخصيات ونفسي اكون اخصائية واساعد الناس طبيعتي كده

كان تفكيري اول ماسجلت بالجامعة محدود ابغى شهادة جامعة والسلام ومايهمني التخصص اش ماكان ماكنت اعرف انا اش ابغى

ولما سالت قالولي احسن شي ادارة الاعمال وحطيت في بالي ادارة الاعمال الدولية لان مدحوها كتير

بس بعدين لما دققت اكتر وصرت اسال اكتر اتضحلي انو ليا انا كغير سعودية ماحتنفعني ادارة الاعمال غير لو دخلت تسويق ممكن يفيدني

وانا التسويق مجالات وظيفته ماتناسبني ابدآ ابدآ كبنت

بس علم النفس ممكن اكون مرشدة بمدارس
اومدرسة او اخصائية نفسية بالمستشفيات او العيادات او حتى الجمعيات الخيرية

وممكن اكون مدربة كمان يعني مجالاته واسعة وبنفس الوقت شي احبه ودايمن اقرأ فيه من اول شي يستهويني واستمتع فيه

بس انتي زي ماقلتلك استخيري وصدقيني ربي ليختارلك الخيرة وفكري بموضوع الانجليزي تمام وانك تقدري تاخدي شهادته من غير الجامعة

بالتوفيق ياقلبي ^_^