طارق فكيت موضووووع مثير للجدل ..
ماشاء الله الردود قوية ....
شوف هوا بداية راح تحس بالشعور الفظيع كيف تتعامل مع البنات وكيف تكون مشرفتك
بس لمن تدخل المستشفى راح تمشي وتشوف عادي البنت والولد وهرج وضحك ولا كانو شي
راح تقول كيف ؟؟ وايش صار ؟؟ وليش ؟؟
بس راح تتعود .. هيا فترة تعدي ( فترة تكوين الشخصية )
طبعا دي الحالة صارت معي ... قسم التمريض من اكثر التخصصات القريبة للمرضى
مو بس احنا نعطي الدواء وبس .. برضو نقعد معاهم ونهرج ونتكلم ونخفف عن نفسيتهم
اول ما داومت كنت مستحية بس لمن دخلت وشفت اولاد وبنات الطب كيف يتعاملون مع بعض وهرج وضحك فتحت فمي ..
لمن رجعنا الجامعة البنات صارو يقولون ( لا تثقون بالبنات ) و ( لا تثقون بالاولاد ) ...
هوا كل الشغلة تظهر في سلوكك اذا انت محترم وتتعامل با احترام اكيد الناس تتحترمك بس فكر دا بس مكان عمل والتعامل زملاء
وطبعا البنت اذا محترمة وماهي لافتة النظر ... بس احسء اكثر شيء التركيز عندنا في البنات
يعني بعض الاحيان يقولون
( البنت الي تبدا تكلم الولد )
اهم شي البنت ما تفكر اذا الولد بس قالها ابغى ملف ولا يسال على مريض بس تعصب وتيجي تشتكي وتقول انه مررررررة مو محترم
اسلوبك واحترامك تفرض عليك احترام الاخرين
لو اقلك اكثر موقف اتحطيت فيه
فيي الكلية في كثير من الاجتماعات فيه ..
حضرت اول اجتماع كان شي جديد بالنسبة ليا
قبل الاحتماع بيوم ما قدرت انام كيف اجتمع مع رجال .. رحت الجامعة مواصلة
وكنت مع وكيلة الكلية وصرت اقولها كيف ادخل مبنى كله اولاد لحالي اكيد نظرة الاولاد ومدري ايش انا اخجل ما احب كده .. لدرجة كنت بعتذر على حضور الاجتماع
قالت عادي وراح تتعودي ومدري ايش وبدات تهديني لاني كنت مرعوووبة
دخلت الاجتماع وطبعا مافي سيدات الا انا وهيا ..
وفي نص الاجتماع خرجت الوكيلة ماقدرت تكمل
مدري اعتقد الاولاد والدكاترة حسوو وجهي صار الوان ونظرات الخوف لاني صرت لحاالي ..
اول ماخلص الاجتماع ما صدقت اخرج وارجع لكليتنا ...
وبعدين خلاص اتعودت مع الايام .. بس ما انسى نصيحة دكتورة حسنة لمن كانت تقول
( لازم تعرفي متى تتكلمي وتعرفي متى تسكتي .. لازم تعرفي كيف تحاوري .. لانه صعبة تخلي احد يثق فيكي وخصوصا في مجتمع مختلط .. لازم تفرضي احترامك عشان الناس تحترمك )