[شوشو الاموره]

كل مااتدكر اني حأرجع السكن احس دمعتي بتنزل

صحيح البنات طيبات ومايقصروا بس المشرفات والاداريات معاملتهم تجيب السم

تخيلوا مره وانا قاعده بغرفتي تجي المشرفه تفك الباب باقوى ماعندها وتبدأ تتنفخ عليا ماعندها اسلوب محترم ابداً
ومديرة السكن اللي مع إحترامي الشديد و من دون مبالغه تحتاج لعلاج نفسي وهدا ابداً مو عيب
لانها وحده ماتعرف غير تصرخ وتخاصم كلامها كل صياح مافي مجال تتناقشي معاها
وادا طالبتي بحق من حقوقك تضحك وتستهزئ فيكي وبرضو ترجع تصيح

كلهم الاداريات كبار في السن مايراعوا اننا بعيدين عن أهلنا نهائيا واننا نستاهل معامله احسن

في الفتره الاخيره عملوا نظام جديد صرنا كل مانرجع من الكليه تتفتش الشنط وبرضو تفتيش داتي
كأنك ماصدقتي تبعدي عن اهلك علشان تفلتي عمرك >>>كدا في بالهم

وأنا أنصح كل بنت قبل لاتورط نفسها ادا عندها قدره أو في مجال أهلها يوافقوا عالسكن الخاص يكون احسن


لانه بصراحه المداكره شئ شبه مستحيل
والمعامله أسوأ شئ