[The Silent Pain]

بسم الله الرحمن الرحيم


السلام عليكم ورحمة الله وبركاته


بس بعطيكم وجهة نظري من ناحية مستويات اللغة او انك تبدأ من اول مستوى

اشوف انه لو تبدأ من اخر مستوى افضل ليش؟؟

لان الانجلش لا تحسبوه قليل بياخذ من وقتك ,, المحاضرات يوميا من 11 الى 4 طبعا بينها فاصل ساعة من 12 الى 1 بريك في كل الجامعة وكل محاظرة 50 دقيقة و 10 دقايق بريك

يعني تخيل لو انك تبدأ في المستوى الرابع و شهر ونص وخلصته وخلاص مافي انجلش تخلص بدري مررررة يعني 4 ساعات تروح تقدر ترتاح فيها وتصحى العصر تذاكر وتراجع اللي اخذته في المواد الثانية بدال ما ترجع البيت اصلا العصر وتنام وتصحى اخر الليل وقرفان وحالتك حالة ,,


يعني اوك تزيد الساعات لو بديت من المستوى الاول ويكون عامل في زيادة المعدل بس على حساب المواد الثانية لانك بتتعب في الانجلش مو صعوبة ولكن نفسيا ,,

ثانيا اختبار تجيب فيه الدرجة الكاملة ولا 4 اختبارات؟ يعني المستوى الرابع وتجيب اقصى جهد لك وتجيب الدرجة وخلاص اما من الاول راح تتعب كل مرة تفكر في الاختبار لحد يقول لي بدرس اشياء اعرفها انت ماتدري الدكتور كيف طريقة اختباره ولا تعرف كيف شرحه وكل اختبار غصب بتتوتر وتذاكر وتزيد شي انت في غنى عنه اختبار تجيب فيه فل وترتاح وتركز ع المواد الثانية

انت ايام الثانوي كنت يالله تتحمل من 7 الى 1 كيف من 8 الى 4؟

هذي وجهة نظري وحبيت انصحكم عشان لحد يضيع نفسه


وبالتوفيق للكل ان شاء الله :)