مرحبا اختي , بالنسبة لسؤالك اقدر اجاوبك من خبرتي المتواضعة في الانتساب انو الانتساب مو سيء ولكن يعتمد بالدرجة الاولى على الشخص نفسه ومثابرته لانو مذاكرة الكتب تكون تقريبا على عاتقه وحده لانو الدورة التاهيلية تستمر فقط 3 اسابيع يعني صعب انو الدكتور او الاستاذة انها تشرح الكتاب في 6 او 9 محاضرات فيجب انو الشخص يعتمد على نفسه وجهده ويبذل جهده وربي مايضيع جهد احد فلا تخافي من كلام البنات هو صحيح فيه ظلم ولكن هذا الشي موجود في كل الاقسام واصابع اليد مو وحدة يعني زي ماتلاقي الاستاذات السيئات تلاقي المتعاونات والدنيا تمشي .ويمكن صحيح انو تقدري تجيبي معدل اكبر في التعليم عن بعد لانو في التعليم عن بعد الواحد يذاكر المادة بشكل يومي ويتابعها مع الاستاذ هذا غير الواجبات والاختبارات الدورية فاكيد الواحد يجيب نسبة ومعدل اكبر وافضل من الانتساب لانو تقسيم الدرجات مختلف عن الانتساب
بالنسبة للانتساب ياعزيزتي فانا كنت افكر في التحويل من الانتساب للتعليم عن بعد لانه مزاياه افضل والواحد يطلع فاهم اكتر . بس للاسف انو شهادة التعليم عن بعد غير معترف فيها من قبل الشركات والقطاع الخاص متل شهادة الانتساب ,لانو شهادة التعليم عن بعد كتير ناس يزوروها واي واحد ممكن يجيب شهادة تعليم عن بعد اما الانتساب والانتظام فتعتبر اقوى واكثر اعتمادا وهذا الكلام كتبته بعد سؤال العديد من الاشخاص واستشارتهم في الموضوع , علما بانه لما سالت في العمادة قالو انو الشهادة معتمدة ومعترفة ولكن الواقع يقول غير ذلك , وفي النهاية الارزاق على الله , ولكن نصيحتي هو ان تستخيري وتستشيري قبل التحويل لانو فرصة التحويل لمرة واحدة فقط . بالتوفيق للجميع .