[bint aboha]

المشاركة الأصلية كتبت بواسطة دافئ الإحساس اللي قالوه الاعضاء إن شاء الله يفيدك ويارب اهديها ويوفقها دينا واخرة اما انتي الله ينور دربك لنك تبي الخير لاختك وما اهملتيها شوفي كلام بينت ابوها ترا مزبوط ولا بأس فيه اما ازا ما قدرتي عليه انا عندي فكرة حلوة وطيبة برضو شوفي حاولي تكلمي جوزك بالهرجة دي وطبعا بينك وبينو وبين الزوجين مافي اسرار تتخبأ بالزات في الامور دي حاولي تسارريه بيها واعطيلو رقم الشايب العايب دا وعاد هوا جوزك فاهم اش حيسوي وحيعرف يتصرف اكيد بطريقتو الخاصة اوووك ؟؟؟ وبالنسبة لكي انتي امسكي شريحتها وارميها من الطاقة طبعا بعد ما تكسريها وحاولي ازا تعرفي صحباتها وتقوليلهم انو اختي حالتها النفسية تعبانه و و و و و و و ........ يعني قوليلهم زي كده بس لا تقوليلهم بالهرجة بالمره وقوليلهم انو حاولو تخرجو معاها او تجوها في البيت او اعزموها عندكم او اي شي او يسوو هما البنات حفلة ويرقصو ويسوو جونان (البنات ترا يحبو زي كده) يعني الاسلوب الترفيهي حماس وينسيها إن شاء الله ....... اما ازا شايفه كلامي اللي فوق كلو مو عاجبك عندي حل تاني خدي رقم الشايب العايب دا اوك.. وكلمي الهيئة واعطيهم الرقم ومالك صلاح الباقي وحيجيكي خبر يفرح قلبك إن شاء الله وإن شاء الله الاعضاء لهم افكار جديدة الله يهديها يارب

جميل ماقلته ياأخ دافئ لكن عندك خطأ ألا وهوا زوجها

ابدا الزوجه الذكيه هيا اللي ماتخلي زوجها يعرف اسرار بيت اهلها

وبكره يعايرها ولا شي مانبغى نوصل لهذه الدرجه الله يخليك

خطتك حلوه لكن ماتدخل زوجها ابد وانا ماانصحها والله للأنه صعبه

وماابغى اجلل موقف الزوج أكثر من كذا المهم الهيئة برضوا لااا انا جربتهم

قالولي لازم تتفقوا ع مكان تشوفوا بعض عشان نقدر نمسكه ولازم

يكون مهدد البنت الللي تعرفيها صعبه والله واحنا مانبغى نوصل هنا

نبغى المشكله تنحل بسرعه قبل مانصير ف هذه النقطه ولو لاسمح الله

صار شي انا عندي رقم شيخ معروف ف جده وهوا ف الهيئه مسؤول

عن حالات الإبتزاز بس ماراح اديها إلا لمن نشوف الوضع كيف مادام

إنه مستقر ليه نجيب الهيئه ؟؟!! وانا قلت ماراح يساعدوها والله ماراح يسووا

شي للأنه مو مهددها وراح يقولولها اوك يااختي خلاص لمن يهدد اختك

اتصلي علينا واحنا نتصرف صدقني انا جربت معاهم كل شي

لكن ارجع واقول اعرفي اختك اول وشوفي حالتها بعدين طبقي افكارنا