رد: استخرت ,,,, والان استشيركم
السلام عليكم ورحمه الله وبركاته
طبعا بدون شك حقيقة لازم نعترف فيها انو المختبرات فعلا اصعب من الاشعة بسبب انو قسم دقيق واي غلطه من هنا ولا هنا ممكن يموت المريض
المختبرات هوا اقرب قسم للطب البشري واغلب المواد مشتركه معاهم
اخصائي المختبر عليه التشخيص والتحليل اما العلاج على الطبيب
انا من وجهة نظري كل تخصص له اهميته وبالنسبة للفرص الوظيفية المختبرات فرصصها اكثر من الاشعه بكثير لانك لما تدخلي مستشفى تلاقي فيها اما مختبر او اثنين واحياانا توصل ثلاثه وكل مختبر يشتغل فيه من 10 الى 15 شخص
اما الاشعه في المستشفى كلها مافيها الا غرفه اشعه وحده واثنين يشتغلو واحد في الليل وواحد في الصبح وبس
ومن جد فرص المختبرات والعلاج الطبيعي في الوظائف اكتر بكتير وهذا مو كلام من عندي والله كلام طبيب في الصحه
والمعدل حكايه ينزل ويطلع على حسب الشخص لو دخلتي اشعة ثقي تمام معدلك بيطلع وعلاج طبيعي يطلع تغذية تمريض مدري
اما لو دخلتي مختبرات ثقي تمام بينزل ههههههههههههههههههه بس مو كثير بأجتهادك تطلعيه واللي اسمعو انو البنات مزبطين حالهم الدكاترة يتساهلو معاهم مو زي الاولاد واعتقد انو البنات معدلاتهم ماتنزل ماشاء الله
وسبب انو المعدل ينزل لانو بصراحة ماتجي الاسئلة سهله زي ماقلتلك تخصص دقيق ومايحل فيه الا الفاهم والمتابع مع الدكتور
دمتي بــ ود
|