[الدُنيا مدرسة]

المشاركة الأصلية كتبت بواسطة ولد الجهراء ..... كل عام وانتم بخير , وتقبل الله طاعتكم وجعلكم من عتقاء هذا الشهر المبارك اللهم أمين طبعااااااااا انا توني وصلت الشرقيه وماتسحرت << مسكين فيس يبجي ههههه وهذي قصيده كتبتهاااااااا أمس الصبح أسمهااااا : ( خيال حالم ) القلب يتكون من أعضاء عده & وأنا زرعتك دونهم وسط قلبي شلت المضحه والشرايين عنده & وكنسلت كل صمام بيته بصدري والأورده كلن قطعته بمحله & ماعاد فيني روح والقبر جنبي لكن رحمني الله وسكنتي بمحله & وأصبحتي شرياني ووريدي ودمي يامالكن قلبي تكفااااااا تشده & في داخل ضلوعك وأنا أشيل ذنبي غرشوبتي مافيه غيرك أحبه & ولا يتجرأ غيرك يكون حلمي أنتي الهنا والشوق وأنتي الموده & وباقي البشر دونج مثل شي ممحي ياأم الدلع شعرج فديته أشمه & يازين عطره أنتي مخلوق صجي !! ياأم العيون المكحله وخشم سله & لاتشيلي البرقع ترى أطيح كلي ياأم الخصر لانمتي مايحوش زله & سبحان من سواك ربك وربي أنتي بشر أو صورة في مجله !! & أنتي حقيقه والأ باأحلام عندي !! وإن شاءلله تعجبكم

أبيات جميلة وتحمل مشاعر صادقة ماقصرت

بس عندي ملاحظة بسيطة وياريت تتقبلها بصدر رحب..
وأنا أقرا أبيات القصيدة لا حظت أن فيها اختلال في وزن بعض الأبيات مثال على ذلك:
يامالكن قلبي تكفااااااا تشده فلو كتبت: يا مالكن قلبي طلبتك تشدة.. أرى انها أفضل من ناحية الوزن أما من ناحية المعنى فـ تكفى مناسبة أكثر لأن كلمة تكفى فيها تحضيض وحث على الاستجابة
ولاحظت أيضاً عدم الالتزام بقافية محددة للأبيات فكلمة قلبي لا تصح أن تناظر صدري في القافية ولو أن جميعها مختوم بالياء ولو أكملت باقي الأبيات ستلاحظ الفرق كـ: عندي, كلي, صجي..

أنا آسفة جداً إذا مداخلتي فغير محلها وأنت شاعر ما شاء الله مايصير وحدة مثلي تنقد أبياتك بس الله العالم اني ماكان نيتي إلا نستفيد من بعض ونرتقي بأداءنا الشعري و وفقك الله لكل ما يحبه الله ويرضاه..