[my-nana]

والله هالحالات كثرت في مجتمعنا وللأسف هناك اشياء كثيره تدفع الفتاه لفعل هالأشياء
الإنسان مو معصوم من الخطأ انا مابرر لأي فتاه ترضى لنفسها الذل والهوان ولكن خطأ عن خطأ يفرق
من الأشياء اللي تدعو الفتاه لإرتكاب المعاصي البيت البيت البيت
مثلا مافي حنان مافي تفاهم بين الأم والأب او الأم والبنت نفسها عواطف في البيت مافيه ابدا ويجي واحد من برى بساعه وتلاقي كل اللي تبيه يحسسها بالأمان يحسسها بالوفا بأنها ملكه ويسمعها من الكلام المعسول اللي كانت تنتظره من اهلها ومالقيته هنا لو انجرفت ورى هالشاب يكون السبب بالأول مجرد اسمعه وبس بعدين تتعلق فيه وبعدين يعشمها
وغير هالأساليب وبعدين تطيح الفاس بالراس وقتها هيا المتضرر الوحيد والأكبر من هالأشياء وبعدين اهلها يكونون متضررين وضارين لها من قبل يوم كانت تنتظر الكلمه الطيبه وماتلاقيها عندهم ومن بعد ماارتكبت بحق نفسها وحق اهلها خطأ ماراح يغفره لها احد من البشر ممكن تتوب وترجع احسن من اللي محافظه على نفسها وربي يقبل توبتها
بس الناس واولهم اهلها راح يرفضون وجودها ويحتقرونها وماراح يسامحونها وغير هالأشياء اللي ممكن تدمر البنت كليا
الوازع الديني له دور كبير
بنت تربت بعيله محافظه لبس محتشم وعبايه ساتره وامها وابواها محتوينها ومتفاهمه معاهم اكيد راح تكون افضل بكثير من اللي تربت على البنطال والقصير والعريان وكل شي عندها عادي وعبايه الله يخلف قلبتها فستان سهره شك ومخصر وملون وتخرج لوحدها مع السواق والأهل ماتعرفهم غير وهي ماره عليهم رايحه الغرفه تنام والأسره مفككه
يابنات لو فكرنا شوي راح تلاقوا الخلل مو بس بالبنت الخلل بالأم والأب والأخوه والأخوات وكل شخص حول هالبنت
كمان فيه خلل كبير جدا
الا وهو الولد لمن يغلط مايتحاسب ولو مسكته الشرطه او الهيئه ماسووا له شي وماأقاموا عليه الحد بشكل صارم
اكيد هذا ولد ماله عار طيب نسيوا اللي جاء عند الرسول عليه الصلاة والسلام يستأذنه بالزنا وشو قال له رد عليه بعقل ومنطق
طيب اوكي لو نسينا انو هالشي حرام طيب ليش نغفل انو هالشي منك فيك يعني اللي بيته من القزاز لايرمي الناس بالحجار ويصوم ابرك له ويحمي عرضه وعرض محارمه من الزلل
الله يستر علينا وعلى جميع بناتنا وبنات المسلمين بلباس الستر والعفاف