[JuStice]

.

وعليكم السلام ورحمة الله وبركاته ,

مشكلة حقيقية انتشار المتسولين بـ دي الطريقة في كل مكان ..

في كل مسجد بعد كل صلاة لازم واحد يقوم يخطب في الناس ويشكي ويروح يجلس عند الباب ينتظر العطايا ,

وخارج المسجد كمان اتنين تلاتة حريم بـ يتسولوا .. غير اللي عند الإشارات تلاقي اتنين حريم وبالفترة الأخيرة صرنا نشوف أطفال تشحت ودا غير بياعين اللبان والمناشف .

قبل شوية كنت عند الخياط .. إلا يدخل واحد ويشحت ! بعدها خرج , وكمان شوية إلا يجي واحد تاني ويبغا يحكي قصته ومعاناته لي !! ما أعطيته فرصة فـ خرج وبعدها عشان تكمل جا التالت !!!

أنا صراحة أنصدمت .. من دا الانتشار الرهيب للمتسولين , وبعضهم شباب يقدر يروح يشتغل أي شغلة ولا يهين كرامته بـ سؤال الناس .

مشكلتي إني أحزن عليهم بالذات لما يكونوا حريم وكبار في السن وبعضهم سعوديات .. وقتها أحس بـ هم كبير .

صارت لا تخلو خرجة لي من مشاهدة المتسولين والله المستعان .

.