ما شاء الله تبارك الله الموضوع وصل 16 صفحة
هنيالك يا دكتور ماجد على الدعوات اللي وصلتك .
مثل هذي المواضيع أتمنى انها توصل لأكبر عدد من طلاب دفعة 12
لأني أذكر كيف كنا ضايعين السنة اللي فاتت وندور على أي معلومة ممكن تفيدنا
بصراحة ما أبالغ لو قلت أن عملية نقل الخبرات هذي توفر على الطالب جهد يوصل لـ30% على الأقل وترفع الدرجات بشكل ملحوظ
يعني اللي يدخل السنة التحضيرية وعنده خلفية عنها يقدر يجيب نسبة أعلى رغم بذل جهد أقل من اللي داخل يدرس بدون تصور واضح عن طريقة الدراسة .
السنة التحضيرية سنة صعبة ، غثيثة ، مليانة نكد وتعب
هذا كله موجود في السنة التحضيرية لكن السبب قطعاً ماهو من الدراسة نفسها ولا المواد ولا أنظمة وأسلوب الدراسة في السنة التحضيرية .
السبب في رأيي عدة عوامل منها الانتقال المفاجئ من بيئة الثانوية والمدارس إلى بيئة مختلفة جذرياً والطالب يحتاج وقت عشان يتكيف ويتعود على الدراسة الجامعية .
اللغة الانجليزية أيضا ممكن تشكل عائق للكثير من الطلاب سواءً من ناحية دراسة المقررات بواسطتها أو استصعاب مادة اللغة الانجليزية نفسها .
بالإضافة إلى عامل الضغط النفسي الهائل الناتج عن أهمية السنة التحضيرية ودورها في رسم أول معالم المستقبل
اي شخص يقدر يتخلص من هذي العوامل والمعوقات أنا أضمن له دراسة ممتعة بمعنى الكلمة
الله يكون بعونكم ويوفقكم يارب
وأي استفسار أو إشكالية تواجهكم بإذن الله راح تلقو د.ماجد متواجد ومتفرغ للرد على استفسارتكم طول السنة القادمة
