ياحب افهم
كلمآت:- الشيخ ناصر بن حمد آل خليفة
ياحب افهم انك بخافقي شي
وان العيون اللي تحبك سهارى ..
ياضي عين اللي يحبك وياضي
كل الدروب اللي بعيني حيارى ..
انت الذي ما يشبهك بالملا حي
مالوم من سمّاك سيد العذارى..
يابو عيونٍ كل ماناظرت في
اتوه وسط الناعسات السكارى ..
لاشفت وجهك قلت ياحي وياحي
وجهٍ كساه النور مثل النهارى ..
أنت الحبيب اللي رويت الحشا ري
تروى بك عروقٍ لحبك تبارى ..
في غيبتك ارسمك لامن طرى لي
جمالك اللي يستحق افتخارا ..
مدري متى برتاح ياوردة الحي
واشوف همي بعد شوفك توارى ْ ..
يمكن ليا شفتك نزح همي شوي
ويمكن ليا شفتك جروحي تدارى ..
والا انت تدري انك النور والفي
وانك يمين ودرب غيرك يسارى ْ ..
مشكور أخوي عالموضوع المميز ,, الله يعطيك العآفيه ^____^