[reem.z.a]

السلام عليكم و رحمه الله وبركاته

اختي غلا روحي و سعي , و اخويا وليد كفيتوا و وفيتوا

صراحه انا كنت من الاشخاص اللي حطيت كل اللوم على الجامعه قبل ما يقبلوني . .
لكن 99% من الغلط عليا . .
لو انتوا تفكرو بالموضوع الجامعه بالطبع ما حتقدر تستوعب كل الطلاب
زي ما انتو عارفين في طلاب يتخرجوا بنسبه 60 - 70 ما يحضروا و 24 ساعه غايبين . .
ينقبلوا على اي اساس . . مستحيل تطلبوا انو الجامعه توفر لكل طالب متخرج مقعد
و بالنسبه للناس اللي معارضين اختبارات التحصيلي و القدرات
على فكره في مدارس تعطي اسئله الاختبارات للطلاب وتلاقي جميع الطلاب يتخرجوا بنسب فوق الـ 90
القدرات و التحصيلي توضح مين جاب النسسبه بمجهودو ولا بدف . . !
لا نحط تقصيرنا على الجامعه . . حتيجوا تقولوا انا سويت اللي عليا وبذلت جهدي . .
كان عندنا فرص كتير ندرس و نجتهد و طنشناها ..
واللي تقول اختبار القدرات ماجا شي زي اللي متوقيعينوا
ترا اغلب الاسئله كوبي بيست , من كتاب رام , وكتاب ناسيه اسمو كان ينباع في جرير تبع قياس
وبالنسبه للتحصيلي دا تحصيلك و مجهودك
انا اتمنى انكم تنقبلوا كلكم , لكن اتمنى قبل دا كلو تفكرو مزبوط . . : )