شوفي يالغلا التحويل رسمي بعد سنه بس اوقات اول شهر تصير تغيرات وناس تحول وناس تسحب فيقبلون انك تغيري للكليه اللي تبغيها اذا في مجال طبعا واذا كنتي اعلى معدل في اللي يبغوا يحولون من نفس قسمك بس نصيحه لك اذا ناويه تحولي لاتدخلي التمريض روحي علوم وبعدين تحولي ونفس الشي ومو مجرد كلام والله انا حصل لي كذا دخلت في مفاضلة مع بنات جايين من علوم واختاروهم لانهم لهم الاولوية بما اني كنت تحضيري وهم سنه 2 علوم الخلاصه ان بنات العلوم او الاحياء لهم نفس المفاضله زي بنات التمريض صراحه ابد القسم مو سهل انك تحافظي على معدلك او ترفعيه مو اكيد خاصه 2 تمريض وثانيا التحويل من التمريض للطب اسهل من التمريض للاشعة او مختبرات وهذا الكلام قاله لي العميد بنفسه مو كل سنه يكون مسموح انك تتنقلي بين اقسام كليه التقنية *اولا واخيرا استخيري والله يكتب لك اللي فيه الخير وترى مو قصدي احبطك والله بس مأبغاك تنصدمي مثلي لاني كنت من الناس اللي يحسبون التمريض قسم بسيط وممكن ارفع معدلي فيه طلعت غلطانه تماما
هي الأخت تقول انو دخلوها مفاضله مع بنات العلوم وقبلوهم
انا قصدي هيا كان معدلها فوق 4.5 وما قبلوها وقبلو البنات الي في العلوم
|
شوفي يا اختي انا حاقولك
عشان تحولي سواء كنتي تمريض او علوم
لازم معدلك يكون فوق 4.5 ولا ما تدخلي المفاضله اساسا
هيا قصدها انو منهج العلوم اسهل من منهج التمريض
عشان كدا تقدري تجيبي معدل في العلوم اكتر من انك تجيبي معدل في التمريض
وفي النهايه كلكم حتدخلو المفاضله ومح يكون في فرق بين بنات التمريض وبنات العلوم
يعني ممكن هيا معدلها 4.6 وتخصصها تمريض و وحده من بنات العلوم معدلها 4.7 في المفاضله مح يطلو في ايش تخصصك حيطلو في المعدل وياخدو البنت الي تخصصها علوم ومعدلها 4.7
فهي بتقول انو لو انتي داخله تخصص عشان تحولي فالافضل انك تدخلي علوم عشان تقدري تجيبي معدل بما انو الدراسه اسهل في العلوم
وفي النهايه نفس المفاضله حتدخليها مع بنات التمريض
ان شالله تكون وصلت المعلومه :)