[نوره الغامدي]

مع نفسك و الله يا عبدالمجيد الزهراني

اللحين ابي افهم ايش دخل ايام زمان !؟ ايام برنامج ( شلة شباب ) و احمد الفيشاوي ؟؟ ايش يبغى يقول بالزبط يعني ؟

انو مسكين قعد يحاول سنوات عشان يطلع على شاشة التي في ؟ مرره كان حأ يموت مثلاً ؟ بعدين ايش الفايدة المرجوة من ذكر قصة الفيشاوي مع فتاة و قضيته المعروفة ؟

يبغى يقول انو احمد من جد "فهلوي" و كان مصاحب ناس موش و لابد ؟؟

اقول هوآ ما إدعى انو شيخ أو مفتي أو دكتور يا أبو بطيخ ! هوآ قال انو طالب علم فقط و خليه يحفظ كم آية و كم حديث , اكيييد لها فايده فـ حياتو

و الحلول اللي جايبها فـ كيس , ما جابها فـ يومين با ابو عقل ! الرجال سافر تسع دول و الناس تكلفو تكلفة باهظة جداً في الحجز و السفر ووووو ...!

و بالعكس هوآ مو بس جاب حلول يا خبير الفهلوه ! هوآ علمنا حاجات مررره حلوه و كثيره , خلاني اعرف ايش هوآ علم الحضارات , اعرف الكم حديث و آيه

هذا غير انو الشخص يعرف ايش اللي لو و ايش اللي عليه , بمعنى انو يعرف حقوقه , و تتولد عنده افكار جديدة , و يبدأ كل واحد يغير نفسه من جوآ و يوسع مداركه و يفكر بطريقة مختلفة .

مو بس للأفراد العاديين ! حتى للشركات و الحكومات و الناس الكبار اللي فـ يدهم قوة اقتصادية .

و بعدين بقوله حاجه مرره مهمة ! (( هوآ بس اقترح حلول , فقط مجرد " إقتراحات " ))
يعني ما أجزم بالضربة القاضية انو هالحلول جهنمية و ممكن تمشي فـ بلدنا !

بإختصار أحمد الشقيري رجل رائع و أثبت انو الإعلام ممكن أن يكون وسيلة إصلاح ناجحة ! وحده تألق بخواطره في هذا الشهر الكريم ,

خواطر/ برنامج يحترم العقل و الإرادة :)

الله يوفقك يا أحمد يا شقيري و نتمنى أن تستمر خواطرك ^ـ^

و قد قال هذه العبارة كثيراً : ( خذوا ما يعجبكم من البرنامج و اتركوا مالا يعجبكم وفي النهاية هو عمل بشري اجتهدنا فيه قدر المستطاع )