[الدُنيا مدرسة]

حلوو~ موضوع بطل

من ناحيتنا أبويا الله يحفظه يسويها أحياااناً لأنو ما شاء الله متعود في العزايم والطلعات إذا كان الطبخ ع النار أبويا هوا اللي يطبخ وماشاء الله فعلاً طبخه ماعليه كلام~~

أمما من ناحية أخواني مااا يسوووونها طالما البيت فيه بنات,, لا طبخ ولا غسيل مواعين.. ولا حتى يلموا السفره<< إلا بأمر عسكري

لدرجة مرا كنا طالعين وبقيوا اثنين من أخواني ولما رجعنا لقينا المطبخ حوووسه من باقي أكلهم اللي جايبينه من برا,, معناتوا خلااص الأولاد صاروا اتكالييين مررااا إلين ما اتعودوا على كذا~~

ممكن شاهي يسوون إيوا صح.. هذي متعودين عليها لأنو الشاهي يحبونه وعلى طول فبيتنا
وللأمانه مرا أخوي الله يحفظه سوا شاهي بآخر الليل طبعا ماعندو أحد وأنا ساعتها كنت تعبانه أذاكر وشايفني كل شوي أحط راسي قام صحاني وجاب لي شاهي معاه..
هوا شعور حلو الصراحة لما الولد يساعد في المطبخ بس للأسف الظاهرة هذي مرررا مررا ناادرة
ولو فرضنا دخلوا مايساعدونا أكثر مما يخربوا علينا:11:<< حقيقي

وعلى فكرة توي داخلة المطبخ وكان أخويا داخل معايه بدال ما يساعدني قمنا نتضارب أنا واياه بالملاعق

يعطيك العافية ع الطرح~