[ستايل]

المشاركة الأصلية كتبت بواسطة miss lulu اللي فهمته إنت ف 30 لان لو كنت ف 20 مره فرق والفرق ماراح يبان دحين ع السنين اللي قدام عزيزتي مو متقبله الزواج منه وأهلك شداد أبسط رنة تليفون ع زوجته وقوليلها أنا فاعلة خير إلحقي زوجك بيتزوج عليك نجي للجد >< الله يكون بعونك ومالك إلا الدعاء إن كان خير لك ربه يتمم أموركم ع خير وإن كان شر لك يبعده ويصرفه عنك وأهم شي زوجته الأولى تدري بالموضوع لا تخلي حياتك تبدأ بمشاكل ولها الحق إنها تعرف وإنت لك الحق تعرفي ليش ناوي يتزوج على زوجته تجربة لإحدى قريباتي ،، تزوجت وعمرها 23 من شخص أظن عمره 45 فما فوق كلنا نصحناها ف البداية تقول اش اسوي كل اللي يخطبوني متزوجين وكبار وأنا باتزوج المهم هيا تعتبر التالته من حريمه عارفه دحين عمرها 25 تقول تصدقي لما أشوف بنت متزوجة واحد قريب من عمرها أقول انا اش خلاني أتزوج من واحد قد أبويا حتى ف التفاهم تقولي أحيانا أحس أتكلم مع أبويا وكل ما تناقشنا واتخاصمنا يقولها مارح أرد عليك عقلك صغير زوجها ماشاء الله مره طيب معاها ما أقول إنه مو كويس حتى مهتم بنفسه يعني اللي يشوفه يحسبه ف نهاية 30 بس برضوا تخيلي هي قد بناته وأصغر كمان في من بناته أكبر منها بس خلاص اتزوجت وصار اللي صار ودحين ماشاء الله عندها منه ولد ^^ وإذا ربي كتب لك إنك تتزوجيه أهم شي إحرصي على إنه يعدل بينكم يمكن سبحان الله يميل لك أكتر ماتعرفي بس إنت دائماً ذكريه بالعدل وممكن تلقي زوجته تعاديك ف البداية وممكن تطول لسانها عليك اتحملي زعلها وحطي نفسك مكانها أكيد بتزعلي وعامليها كويس مصير الايام بتنسيها وإمكن تحبك بسبب معاملتك لها عمتي زوجها معدد والله لو تشوفي كيف طباينها علاقتهم مع بعض سمن ع العسل مو طباين إلا كأنهم أخوات وقلوبهم ع بعض لدرجة زوجهم قال كل وحده تروح ف فله لانه ماشاء الله مقتدر رفضوا كلهم عايشيين ف نفس العماره كل 2 ف دور^^ وعمي متزوج ثنتين للأسف ما يتجمعوا ف نفس المكان ولا يحاولوا يحتكوا بعض وفي المناسبات من بعيد لبعيد حتى البنات منقطعين عن بعض الشباب أهون بس برضوا تحسي في حساسية زي مافي نماذج العلاقة معدومة ومو كويسه في نماذج علاقتهم مع بعض تمام وأولاً وأخيراً ترجع للزوج بتعامله مع زوجاته يقدر يزرع الحب والمودة بين قلوبهم أو العكس وحاولي كمان تتعرفي على أولاده وتكوني طيبة معاهم وتكسبيهم إذا ما كسبتي الأم ع الاقل تكسبي الاطفال << طولت ف الحكي أهم شي انت إدعي وإن شاء الله ربي يفرجها من عنده وماتعرفي الخير فين ^_^ ربي يوفقك إن شاء الله ،،

ميرسي الله يخليك ع الرد لكن بالنسبه لزوجته هيه موافقه ومره طيبه حتى بيقولو هوه جاء بموافقه منها وكمان أولاده موافقين حتى ولده الكبير في الثانوي وجابوه ليلة الملكه وبيشتغل ويباشر معاهم وهوه لمن قرر يتزوج يقول زوجته مابتهتم بيه وماكملت تعليمها وهوه الرجال طبعا انسان مثقف وبيقول هيه بنفسها قالت موافقه حتى ام العريس قالت لأم العروسه الزوجه الأولى طيبه وموافقه يعني من دي الناحيه البنت مطمنه لكن هيه مش مقتنعه باانسان مرتبط بتقول مش ناقصني حاجه مش عيب العمر بيمشي حتى البنت ماشاءالله عمرها ثلاثين ماتديه إلا في العشرينات حتى الرجال بتقول في الملكه طايرم ن الفرحه وهيه ماأدتو وجه
صارت تبغى تقنع نفسها كيف تحبه كيف تتعامل معاه لأنها مش متقبلته وتبغى تقتنع آيه الحل؟؟؟