[كرزه...]

ياهلا ومرحبا
صحيح كل ترم يتغير الدكتور لكن راح اقلك عن الدكاتره الي درسوا على دفعتنا
احم احم نبدأ
أهم أهم أهم مــــــــــادة هي المقدمة في التربية الخاصة
انا أخذتها ولله الحمد مع دكتوري العزيز يحيى عبيدات >>فله شمعه منوره

اسألي أي بنت درست عنده راح تقلك أسسنا صح وراح تعرفي قد ايش الماده دي مهمه لما توظفي معلوماتها في المستوى الرابع الدكتور ممتاز جدا من... إلى تعامل شرح أسئله .. والأسئله سهله بس من السهل الممتنع لازم يجيك كم سؤال من المحاضره يعني لازم تكوني منتبهه معاه ..والباقي زي الي في الملزمه ..اذا كان هو يعطي الماده لا تتردي..هو افضل دكتور
أ.ريم الدباغ خساره الاستاذه سمعت انها راح تتركنا السنه الجايه هي كمان كانت تعطي الماده اسلوبها راقي يجبرك على احترامها اسئلتها جداً سهله ...

اضطرابات التواصل
د. أحمد نبوي >>ما أظن انه راح يدرس بنات تاني
الصراحه هو تعب معانا وإحنا تعبنا معاه مره ..الدكتور شرحه ممتاز والأسئله سهله لكن الي تعبنا طريقة المذاكره متعبه جدا ماكان لنا مرجع ندرس منه الكتاب الي اعطانا اياه غير الي يقوله ونبغى نكتب معاه لكنه سريع مره وعصبي حبتين بس والله طيب و يعطيك درجات وجبنا معاه ال a ^^ أهم شيء

د.فراس طقاطقه>> فلة.. شمعة.. منوره
هذا نادر مخلص جدا تعامله حلو اسئلته مويه شرح حلو ماتتعبي في المذاكره ابدا لأنك تخرجي من المحاضره فاهمتها حافظتها لاعاد تسألي عنه ..
د.أحمد الدوايدة اسئلته سهله مره تعامله حلو لكن أنا ما احب الحفظ الكثير والكلام الدش نهائيا احب افهم وتجيني الأسئله بالفهم..تمام لكن مشكلته بس ان كل شيء حفظ
مادة تعديل السلوك
الدكاتره بشكل عام كلهم كانوا >> صلعة لمعة مدورة
للأسف ابدا الماده دي مادرسناها تمام مع انها من اهم المواد ومواد كثير تعتمد عليها منها المشكلات السلوكية بس الله يخلي الدكتور فراس ..صح جبنا درجات عاليه لكن الفهم x_x صـــــــــــــــــــــــفـــــــــــــــــــر

يتبع ~