[فيصل]

" ما سمعتوا قصتي يوم قطعت الدهناء ؟؟؟
أنا لحالي , معي جمسي الحمر , وسلاحي البندق .. وخلااا خالي والله ما حولي أحد ..
والله ويوم أصبح الصبح وأنا أركب موتري وأنا أوجهه يم الدهناء , وأخذ معي خبزه وزين - ومنول فقر , الواحد ما يلقى شيــ( ن ) ياكله - والله وأنا امشي أمشي أمشي لييين أقبل الليل , وأنا أطفي موتري وانزل عفشي وأجمع لي حطيبات أشب فيها الضو ..
وأنا أحط خبزتي على الضو أسخنها شوي ليييين سخنت , وأنا أكلها وأحط فراشي وأنام , ويدي على سلاحي - منول أنا ذيب أنام بعين وأفتح عين -
ويووووم غفيت وأني اسمع صوت وأنا أقمز وأوجه سلاحي عليه , وأصيح : من أنت ؟!
والله يوم أني ما أسمع صوت , وأناديه وأنادييه والله ما يرد ..
وأنا أعود على فراشي وأنسدح , وأسمع الصوت كل ماله يقرب يقرب يقرب , لييين صار على حيد الضو , وأنا أقمز من فراشي وسلاحي في يدي ..
والله وأنه الذيب ..
وأنا أصيح عليه , أبك انت وش تسوي هنا يا ذيب ؟
قال : والله أني جيعان ولي ثلاثه أيام ما ذاق بطني الجوع
قلت : معك أحد ؟ جاي معك أحد ؟
قال : لا والله ديرتي بعيده , وخوياي ذبحهم الجوع وماتوا ..
قلت : ايييه !! ها دوك دوك الخبزة كل منها ( يا ذي الخبزة اللي ما تخلص )
يووم أكل وخلص , قال يالله أستاذن .. وين يا ولد ؟ قال والله أن ربعي يحتروني وأنا متوخر عليهم ..
....
....
....
...
....
....
....


"


هذا واحد من أقاربي في المجلس يسولف , غباء + جهل + هياط ..
يا جماعه الخير فكوني من هذا المتخلف جداً :(

أي أحد عنده سؤال في المصطلحات اللي فوق يسأل لا يستحي :)
بعضها أعرفها والباقي لا :)