[-نظرة تفاؤل-]

أختـــــــــــــــــــي ..أنا أول شي راح أوضحه لك نظرة الوالد الله يحفظه لكـ ..
بالنسبة لكلمة (اختلاط )..واجد يفهمونها بطريقتين ..
الطريقة الاولى انهم يشوفونها بدون (منظار) يعني في مجتمعنا يسير اختلاطات أكثر من الطب ..ونتعايش معها بشكل طبيعي وكل واحد في حالة ..
والطريقة الثانية يشوفونها ب(منظار ودقيق ) اللي هو بالطب لانه تخصص ..فطبيعي راح يركزون عليـــهـ ويقارنونه في بقية التخصصات ..فـيطلع الاختلاط هو فرقه الوحيد عن بقية التخصصات ويسير عائق ..ولا هو أساسا مو عائـق ..

وصدقيــــني نظرة الوالد في محلها ..يعني هو رجال وأدرى وأفهم منا ..لكـــــن اللي بس يبيلك توضحين له شغله مو عارفها لانه ماجربها ..ان اللي بيدخل طب ومستعد يتعب و يضحي بأشياء كثير هدفة (سامــــــــــــي ) أكبر من انهـ ينظر لهالاختلاط ..
قوليله مثال :
كثـــير من الحريم اللي يفضلون ويرتاحون يراجعون عند طبيبات بدل الطبيب<<<طبعا مو الكل بس هذي الغالبية ..فــ وجودك انتي كطبيبة ان شالله راح تاخذين فيهـ أجر ..

والشــــــــــــــــــي الثاني .. لاتستعجلين ..انتي للحين مادرستي اول سنه ..
ادرسي وشدي حيلك وجيبي معدل عالي وبعدها استخيري ربك واذا فيه الخير ..راح تتيسر الامور ان شالله ..
ونصيحـــــــــــــــــــــــــــــــــــــــــــة من أخت :
بعد الاستخارة ..خليـــــــــــــــــــك قنوعه ..ربك ماراح يكتبلك الا اللي فيه خيرة لك ((عسى ان تحبوا شيئا وهو شر لكم)) ..

السموحـــــة ع الإطالة ..وموفقـــــهـ ان شالله