[الفجر البعيد :]

كلِّ زين أشاهده وإنتم بعيد
منوتي ليتك معي
وإن سهرت الَّليل أهوجس بك وأعيد
هلِّ لأجلك مدمعي
إنت هاجس خاطري .. وإنت فرحة ناظري
ياقريب ويابعيد .. فيك أمسي وحاضري
* * * * * *
نشوتك تلعب مع قطر المطر
وانتشى قطره معك
والسَّحاب يطاردك بين الشِّجر
خالق الزَّين أبدعك
الندَّى في وجنتك .. صار عطر بلمستك
والهوى غنَّى طرب .. تستثيره بسمتك
* * * * * *
كلِّ ماضمت عيوني منك طيف
يابعد كلِّ الطَّيوف
قلت مامثلك على الدِّنيا وصيف
لاحشا مالك وصوف
لاسحاب ولامطر .. ولانسيم ولازهر
ولاطيور ولاغزال .. ولامع باقي البشر

.........................................