[سكووت]

حبيبتي جيجي أنا أسفه لأني كتبت ردي مستعجلة ، لكن راح أعيد بصورة أوضح ..
طبعا زي ما قلت بردي الأول الكلام دا موجه لصاحبة الموضوع فقط ..
أول شي أعتذر عن الخطأ في الحديث ، لكن نص الحديث ، يقول الرسول عليه أفضل الصلاة والسلام:

(لم نر للمتحابين مثل النكاح) ، أهم شي مثل ما قتلت بردي الأول: شيلي فكرة انك سويت ذنب عظيم و غلط كبير عشان تقدري تركزي بقرارك ، الحب شيء مو غلط ولا عيب ، لكن العيب إننا نعيشه بطريقة غلط ، ونسوي إننا صادقين فيه ، واحنا أبعد ما نكون عن شيء اسمو حب ..
مشكلة العلاقات عندنا إنه بدايتها نفكر فيها بطريقة غلط ، بمعنى أوضح:

ممكن الشاب يفكر بعلاقة حب ، وفعلا صادق بحبه ، والبنت بعد صادقة بحبها ، لكن بعد مرور فترة زمنية ، يبدأ تأثره بالعادات والتقاليد ، وإنه فلانة خانت حبيبها وكلمت غيره ، وعلانه سوت سوت .. أو أصلا يبدأون علاقتهم على إنها نزوة وطيش ومراهقة .. إدا كان التفكير من البداية كدا .. إيش نتوقع بعد كداا ..؟!
طيب ليش احنا نحط أنفسنا مكان فلانة وعلانة؟!!

ليش ما نكون احنا الصورة الأفضل والأحسن لأشياءاللي كدا .. لأنوو لازم نؤمن إننا مو قاعدين نسوي شي غلط ..
لكن إدا في قرارة نفسك مقتنعة إنوو الشي داا غلط .. هنا لازم الشي داا ينتهي .. لأنه صعب ، لأنك أصلا مو مقتنعة بالفكرة.. وفي الأخير تبقى المسألة وجهات نظر .. انتي تشوفي شي صح .. أنا أشوفه شي غلط أو العكس ..

الولد الآن صدق معاكي ، وقلك أبغى أمي تكلم أمك ، في الحالة دي ، إدا انتي في قرارة نفسك مقتنعة فيه ، وتتوقعي أهلك ما راح يرفضوا الشي اللي زي كدا ، مافيها شي تفاتحي مامتك بالموضوع .. ولا تفاتحي إلا الشخص اللي تتوقعي راح يفهمك من أهلك .. وراح يوقف معاكي ويكون متفتح عقليا ويتقبل إنوو جيجي بنت ناس ومحترمة وتبغى اللي يساعدها ..

وإدا رفضوو .. حاولي تقنعيهم .. لكن إدا كان رفض كلي للشي داا لازم تعرفي إنه داا خيرك ، ولازم كل شي ينتهي .. لأنه مصيره النهاية في الحالة دي .. وهنا يكون (برأيي) غلط الاستمرار ..
وافتكري دايما الآية دي (وعسى أن تكرهوا شيئا ويجعل الله فيه خيرا كثيرا)
وزي ما فيه علاقات بدأت في النت أو بمكالمة أو أو أو.. وكان مصيرها الفشل
فيه كمان علاقات بدأت في النت ... إلخ وكان مصيرها إنها كونت أسرة سعيدة مبنية على تقوى اللهو الحب والخير..

فشل العلاقات غير مرتبط بكيف بدأت العلاقة !!
فشل العلاقة يرتبط بكيف أطراف العلاقة يبغوا علاقتهم .. هل يبغوها تستمر ويحققوا مع بعض أمانيهم ..

ولا يبغوها شك في شك .. ويبغوهاا تنتهي بأي طريقة .. !!
احنا كأشخاص اللي نحدد كل شي .. واحنا كأشخاص اللي نختار طريق الخير أو طريق الشر .. واحنا كأشخاص اللي نحدد نشك أو ما نشك .. نستمر أو ما نستمر .. لكن مو كيف الطريقة اللي بدأت فيها العلاقة تحدد ..!!

طبيعة الشخص وعقله وفكره وثقافته بها دور كبير في تحديد الشي دا ..
في الاخير:
في حال إنك قررتي تتمي علاقتكم؛ لمن تفاتحي أمك بالموضوع، أو أمه تكلم أمك ، صارحيه بالشي دا مع أهلك ومع أمه.. وصارحيه بكل الأوضاع السيئة ، وكل صورة سلبية تشوفيها قوليها ، وفكري فيها انتي ، وخليه يفكر ، وبعدين قرروو إيش تبغو بالضبط
إدا كان مو قد المسؤولية .. وبعد ما وصل للشي اللي يتمناه وانتي تتمنيه .. وراح يتحول بعد فترة زي الأغبياء للشك ..
قوليله من دحين بعد عني وخليني أروح في طريقي.. وربي راح يعوضني ويعوضك ..
وخليه يفكر بالموضوع ويحسبها مع نفسه .. مع إنه الشي دا راح يبين من علاقتكم وإدا كان صادق فيها ولا لا
واستخيري ربنا ودايما أدعيه إنو يكتبلك الخير .. وسوي اللي ترتاحين لو .. ولا تخلي كلامنا يأثر فيكي بالسلبية..

بالنسبة للعبارة دي:

واخاف ربي مايعوضني افضل منه لاني غلطت

ربنا سبحانه ما يكتب للإنسان إلا الخير .. خلي ثقتك في الله أفضل ، وحسني ظنك في الله دائما ، والله يكتبه من نصيبك ويكتبك من نصيبه إدا كان حياتك معاه خير وسعادة .. ويبعده عنك ويبعدك عنه إدا كان فيها شر لكي
آمين
سوري طولت