[الدُنيا مدرسة]

السلام عليكم ورحمة الله وبركــآته
أسعد الله أوقاتكم بماتحبون~
اليوم 25 ومابقى إلا القليل.. شدوا حيلكم
والله يعينني وياكم ع الطـآعات واغتنام الأوقات
...
الحقيقة ترددت كثير قبل ما أنزل أبياتي
مو تقليل من قيمتها بس مممم كنت أتمنى تقيميمها قبل لا أنزلها هنا
لكن للأسف انفهمت غلط وانقلبت ع راسي
وللأمانه أنا كتبتها عشان "نبض"
...
معلومة أخيرا حابه أضيفها~
تعودت أن أكتب أبياتي مخاطبة فيها المذكر
والصحيح أنني لم يسبق أن أكتب لهُ وذلك فقط
لأن: الشعراء يقولون ما لا يفعلون :)
..
أترككم مع الأبيات..

________

أسهر مع الليل وأحزاني هي أحزاني
__________ وأقابل الصبح بالضحكة وأعليها
أكذب على الروح وأغري قاصي وداني
__________ بالفرحه اللي تعبت أركض وأناديها
عيت تلبي نداي وقلبي أشقـــــاني
__________ مجبورة بكل شبر أتبع خطاويها
أبكي بصمت وأجامل لجل خلاني
__________ ماودي أفضح مشاعر كنت أخبيها
أحبس دموعي وبالكحل أخفي أجفاني
__________ أخــآف بكره يباآن الهم عاليها !
وأدري العواذل تصَّيد لحظة أحزاني
__________ مجبورة أشغل همومي بما يسليها
غنيت للروح~ داني يالدان داني
__________ وأثر الغناء لازآد مــوآله يبكيهآ !
أغمض العين ودموعي تحدآني
__________ وتشق في بـــآحة الأوجآن واديها
من يوم غآبوا وهذي حالة أوجآني
__________ وش حالتي بدموع عينٍ غآب غآليها
وش ينفع الدمع دآمه له ( غلا ثاني )
__________ لاصرت عنده مجرد ناس يطريها
هو ما نسآني ولكنه تنآسآني,,
__________ مدري على قسوته هذي اشتاليها؟!
إن كان ناوي هجر وبيترك أوطـآني
__________ يرحل.. وكلي رضا والله لأعديها
لكن قبل مايروح بهدي له "بلد ثاني"
__________ وبذمتي بتكون آآخر حاجه أهديها
طبعي كذا والطبع يجري فشرياني
__________ لآ قلت كلمه مُحال بعذر أمحيها
رح في طريقك.. وأنا لي رب يرعآني
__________ نفسي عــزيزهـ ولآ تتبع مقفيهاآ

....
حُرر في يوم:الخميس..18-9-1432هـ/18-8-2011م 11:30صJ

ssss