 السلام عليكم ورحمة الله وبركاته . . . الموضووع مبين من عنوانه ما ابي اكثر كلام على الفاضي حبيت انقل لكم تجربتي لعل حد يستفيد منهااا وخصوصا اللي مو من جده مثلي . . . المهم انا بصراحة من الترم الثاني وانا خاطري احول تعلم عن بعد المهم خلصت الترم الاول وارسلت معاملة الكترونية وقلت فيها اني ابي احول المهم رد علي المختص انك ما تقدر تحول الا نهاية الترم في شهر 7 . . . المهم انا ما كنت صامل ولا بحثت ورا الموضوع خليته على وجهه شهر 7 شهر 7 . . . والحين صراحة بعد ما خفظو رسوم التعلم عن بعد وصارت زي الانتساب زاد حماسي وقلت لازم احول المهم ارسلت معاملة الكترونية وشرحت فيها وضعي اني من خارج جدة ولا اقدر اجي للجامعة رد علي المختص وقال لي التحويل في بداية الترم ولازم تجي العمادة مكتب د/عابد واذا ما تقدر تجي وكل احد يجي عنك . . . ما عجبني الرد فتحت ايميلي وقلت خلني ادز ايميل ان جت والا ماني خسران شي كتبت ايميل لعميد القبول والتسجيل المشاط وشرحت فيه اني بعيد عن جده ولا اقدر اجي عشان احول وارغب في التحويل المهم والله ما قصررر ارسلت الايميل البارحة الساعة 12 تقريبا واليوم جتني رسالة على جوالي لقد تم تغيرر ملفك الدراسي جامعة الملك عبدالعزيز ما صدقت صراحة وش هالسرعة في الاستجابة خشيت على الادوس ولقيت اني مغير لتعليم عن بعد ولله الحمد . . . ادري كثرت حكي بس عشانكم عشان تستفيدوو مع تمنياتي لكم بالتوووفيق الداائم . . .
|
اخي العزيز : عبدالله
السلام عليكم
انا الان ارغب في التحويل لنظام التعليم عن بعد لكن يوجد لدي استفسار :
هل المحاضرات يوميا لازم نحضرها لاني عرفت انه بس يومين في الاسبوع ؟ وش صحة هذا الكلام؟
طيب بالنسبة للمحاضرات متي تبدا ومتى تنتهي ؟
وبعدين انا الان ابرسل رسالة للدكتور هل سيتم تحويلي او لابد اني اروح للجامعة وانا مااستطيع اروح وخاصة ان دوامي يخلص الساعة 5 العصر ماعندي وقت ؟
واشكر تعاونك ,,,