تاريخ التسجيل: May 2010
التخصص: HR
نوع الدراسة: إنتظام
المستوى: السادس
الجنس: أنثى
المشاركات: 1,632
|
رد: SeNsE >> مجرد فضفضة وشوية خربشآت ..
ممممممم قاعدة افكر في( انتي )حبيبت قلبي ،، ( ام امي )
كيف كانت انسانة قوية بصحتها ،،
فجأة سارت تمشي بعكاز ،،
شوية كدا احنا نساعدها ,,
سارت تقول رجولي خلاص اتعب و انا امشي ,,
جلسناها في كرسي متحرك ,, نشيلها و نحطها عالكنبة
سارت ما تقدر تقعد عالكنبة ، نخليها في الكرسي حقها
سرنا ندخل نقعد عندها في غرفتها
وتعدي الايام ,,
تعدي ,,
تعدي ,,
ألين سارت طفلة ،، نمشطلها شعرها و نربطو ,, نلبسها عالسرير ,, نمسحلها جسمها بدل ما نروشها ,, نطحن لها الاكل ,, نغيير لها البامبرز ,,
جسمي قشعر والله ،، كيف كانت و كيف صارت ,, وايش حتسوي فيها الايام ,,
يا رب انك تشفيها و ما تتعبها ,,
//
كانت زمان توديني بحر مكة ( الشعيبة ) ،، وتوديني مكان فيه تراب كدا العب فيه ،، وتشتريلي كل شي ،
//
صورتها قدام عيوني في غرفتها القديمة زززمان ، وهي قاعدة تقرا قران ، وانا جنبها العب ،،
كيف تفرش في الارض و تنام ،،
كيف عندها كاسات شاي كتير مدري ليه ؟؟ ههههه
وكيف كنت اخد ( السكر اللي تستعملو للشاي وهو اصلن يستعملوه الي عندهم مرض السكر ) اروح بالدس اكلو هههههه
//
اتزكر كان عندها طرحة خفيفة ، اطرافها فيها حاجة سودا معلقة مدري ايش اسمها ،،
يا الله وانا صغيرة ، كنت احلم بدي الطرحة ، ( طرحة احلامي )
ما كان في زيها في المحلات حقت العبي ،، ألين مرة وانا العب في ادراجها من زمان ، لقيت عندها طرحة زي هديكا و جديييييييييييدة ، وااااااااه زي طررررحت اااانننة ، قامت اعطتني هي ، ومخليتها عندي ههه طرحة احلامي حقت العجايز
//
وتعدي الايام ,,
تعدي ,,
//
قعدت افكر كيف مرة قعدت جنبها اقولها ، يا انة ادعيلي
قالت لي الللللللله يوفقك ,,
قولتلها يا اااننننننننننة ادعيلي دعوووووووووة حلوة
قالت لي الللللللله ينجحك واشوفك دكتورة
قولتلها يووه ؟ يا انة اقولك دعوووة حلوة و سرت اغمزلها ,,
سارت تطالع مستغربة مو فاهمة ايش ابغاها تدعيلي ؟
قامت خالتي قالت لها رهف قصدها ادعيلها تتجوز
قامت فرصعت ههههههه سارت تطاااااااااااااالع ؟؟
قولتلها وي يا انة ما تبي تدعيلي ؟؟ < ومديت بوزي شبرين
قالت لي اللللللللللللللللللللللله يرزقك ولد الحلال اللي يبسطك في حياتك وما يتعبك
//
اااه يا قلبي
//
مرة من المرات الكتيرة ، تعبت علينا ، وانا كل ما ادخل عندها ابكي ، ما استحمل ، قلبي ضعيف والله بالزات دي حبيبت قلبي ام الغاالية
قعدت جنبها ، وسارت تطالعلي ؟
قولتلها تحبيني ؟
قامت سارت تطالع لي وهي مبتسمة ،، والله ابتسامة من وسط قلبها
< دمعت خلاصصص
سارت تقولي احبك بس ؟؟ والله احبك انتي الخير كلوووو ،، انتي اول الخيرررررر كيف ما احبك ؟؟
انتي في جهة و الباقين كللللهم في جهة ،،
( عشان انا اول حفيدة عندها )
سرت ابكي ، ما قدرت خلاص قولتلها والله انا اللي احبك ، وقعدت اسلم عليها ,,
بعدين جا اخوية وبنات خالتي و اولاد خالتي الصغار ، يقولولها تحبينا ؟ تحبينا ؟ هههههههه
سارت تقولهم ايوا احبكم
قالولها زي رهف صحح ؟؟
قالت لا والله ،، رهف في جهة و انتو كلكم في جهة تانية رهف دي اول الخير
ااااااااااااااااااااااه يا قلبيييييييييييييييييييي احبببببببببها واللللللله
//
دحين عدا اكتر من شهرين ، ما شفتها ،، بس اكلمها في التلفون ,,
حسبي الله و نعم الوكيل عاللي ما يخاف الله ومانعنا نشوفها وهو عارف قد ايه هي مريضة و تبا تشوفنا
//
يا رب انك تريحها ,, يا رب انك تشفيها ، يا رب انك ما تعزبها في الدونيا ولا في الاخرة ,,
كانت تقول ( الله لا يطرحني بأرض ، ولا يزهق بي الخلق )
يا رب انك تستجيبلها الدعوة ،، يا رب ,, امين
|