[بقايا جرح الزمان]

المشاركة الأصلية كتبت بواسطة ran00da السلام عليكم والله هادا اول ترم ليا في الاحياء ومرره محتاره كيف اسوي الجدول وخايفه اخد مواد صعبه في سمستر واحد :( حتجنن ابغى رايكم في دي المواد وايش الاستازات الي تنصحوني بيهم اهمممم شي الاستازات؟؟ امن وسلامة ماده حلوة بكل سهولة تقدرين تجيبن فيها الفل مارك ودراستها عربي فقط لقسم الاحياء اما الاقسام الثانية بالانجلش وانا اخذتها مع الدكتورة سحر والدكتورة سحر كل شي فيها حلو سواء شرح وحتى الاسئلة مع انو تجيب مقالي بس واضح وكمان عندها بحث وبريزنتيشن احياء عامه مادة حلوووووووووووووة مرررررررة بس يبغالها مذاكرة اول باول انا اخذتها مع الدكتورة سهيلة قاري مررررررة تجنن الادمية دي سواء بالشرح او بالاخلاق شرح عربي والمصطلحات انجلش والاختبار موحد بالانجلش وراثه عامه اخذتها مع الدكتورة لميا طاحون ماده ممتعة لانه اغلبه يعتمد على الفهم ولا تسمعي كلام البنات بكلامهم عن دي الدكتورة لانو كثيرين يقولو انها ماهي كويسة بس انا اخذته معاها وكنت متخوفة من كلام البنات بس وربي تجنن لدرجة انشا الله باخذ معاها مواد ثانية اذا لقيت انها تدرس بس اول باول ذاكريه والاختبارات حقتها تحط بونس عدا الفاينل ماحطت واسئلتها جدا بسيطة وتساعد البنات كثير وشرح بالانجلش وعربي والاختبار طبعا بالانجلش كيمياء عضويه مادة يبغالها شوية تركيز وانا عن نفسي ماحبيتها لانو تفاعلات وانا اكره الكيميا بس مادة مااقولك لا صعبة ولا سهلة يعتمد على فهمك وتركيزك مع الدكتورة وانا اخدتها مع دكتورة نسرين بس يقولو كمان الدكتورة فوزية احسن واحسن مع انو الدكتورة نسرين مرررة كويسة وكمان تعطي اسئلة الواجب وتحله والاختبار منه تجيبه وبالانجلش الشرح والاختبار وايش فيهم بالانجليزي وايش فيهم ناخدو بالعربي؟؟؟ الله يوفقكم ســـاعدوني وعارفه انكم مابتقصروا

بعدين نصيحة خذي مثلا وراثة والبايو العام 202 وخدي امن وسلامة وامم وثقافة عربي 1 مثلا ومعمل كيميا
بس كونك تاخذي ثلاثة مواد تخصص وخصوصا العضوي ماهي متطلب افضل اخريه شوي
وبيكون صعب عليك شوي لانه الثلاثة مواد دسمة بس حلووووة وتقدرين بكل سهولة تجيبين درجات عالية
وانا عن نفسي اخذت بالسمستر الاول افتكر
عضوي و202 وثقافة وامن وسلامة وعربي وكان مجموعها 14 ساعة كان جدولي
حلو يعني ماني ضاغطة لدرجة اتورط بالاختبارات
واهم شي المذاكرة اول باول
والله يوفقك يارب