[وسيم الإتحاد]

أنا درست عند الحريشي ماث 110 و 202 و203 بصراحة الآدمي هذا - ماشاء الله تبارك الله - نابغة رياضيات
ودرست عند أشرف بركات فيزيا 202

في ميزة عند أشرف بركات ماهي موجودة عند الحريشي وهي إعادة الشرح أكثر من مرة الحريشي ممكن يعيد مرة أو إثنين لكن أشرف بركات يقعد يعيد إلين تفهم إن شاء الله خمسين مرة (( بس كل مرة يعيد يعصب شوية ))

بالنسبة للملخصات في الرياضيات الحريشي يحط لك الأمثلة والتمارين والواجبات إللي إنت مطالب بيها من الكتاب يعني بالعربي لمن يقولك الدكتور الاختبار من الكتاب (( كأنه يقولك الاختبار من ورق الحريشي ))

الشي إلي خلاني أفضل الحريشي في الرياضيات إنو عنده طرق خاصة هو يجيبها تسهل الحل مليون مرة وما يتقيد بطريقة الكتاب (( ولكنه يشرحها )) ويخليك تختار الطريقة إللي تعجبك