رد: جاوبني بصراحة (( هل تخاف من العين )) قول ماشاء الله / جديد إحساس ناجح / للحوار ا
السلام عليكم
كلام الاخوان اللي قالو العين سارت شماعه صحيح...
بس هذا ما يمنع انو فيه ناس تتضرر بسبة العين...
أنا أقول قصتي... يوم وصلت 2 ثانوي نقلت مدرسه جديده
وعاد البنت المنقوله محط أنظار البنات
المهم المنطقه اللي نقلت لها كان اغلبهم عوايل من الحجاز أو من قبايل حجازيه
وانا من الرياض كان شكلي غير عنهم كنت نشاز بينهم
المهم صارو يجوني بنات مهابيل يقولون لي انتي من آل سعووود؟؟
الله يالنتاحه!! من آل سعود تدرس معكم هع هع المهم
كنت أحب أحكل عيوني برسمه حلوه مرتبه وكان يطلع شكلها ملفت
وفيه بنت مصريه دايم تطالعني تقول كحلك مو حلو هع >>نصابه
بعدين سارت تسألني كيف تكحلين عيونك هع هع
المهم بعدها ما شفت خيـــــــــــــــــــر
جاني رمد بعيوني(والرمد مرض يالعين يخلي العين حمرا وناشفه وملتهبه) وجلس فتره بعدها سارت عندي حساسيه بعيوني على طول
يعني ما اقدر احط كحل ما اقدر البس عدسات ونظري ضعف
واذا حطيت لازم تتعب عيني بعدها فتره.. يعني المواسم اشيل همها...
الحمد لله
قصه ثانيه وانا بالجامعة..
كنت مع شله مفهيه
ما يذاكرون ويسحبون ع المحاضرات ولا يحلون الواجبات
كنت انا معهم اسحب والعب يعني معهم ع الخط.. بس وقت الاختبارات اشد أم حيلي!
طلعت النتايج وجا الترم الثاني البنات رسبو اللي ب5 مواد واللي 7 مواد
انا كانت مادتين a+
ثلاث مواد a
مادتين B+
والبنات انجنو يقولون كيف انتي تلبسين وتتشيكين وتسحبين ع المحاضرات وتتكين معنا ودرجاتك كذا!!!
انا انربط لساني ولا ذكرتهم بالله (انحرجت اقول لهم قولو ما شا الله)
المهم بعدها سرت اشوف الموت لا اسمع طاري الجامعه
تردى حالي لدرجه اني ماعاد ابي اروح الجامعه ابكي لين اروح
واذا رحت اوقف عند باب القاعه مخنوووقه ما اقدر ادخل!!
واذا جيت اذاكر الاختبارات يجي شي يضغط ع جسمي واتخدر وراسي يثقل وتجيني ضيقه وانام نوم مو طبيعي حتى امي تنفج من شكلي
واذا قلت خلاص ما راح اروح الاختبار يروح كل شي فيني!!!
غبت 4 اختبارات
الحمد لله
هذا السبب اللي خلاني اسحب من الجامعه حقتي واسجل بجامعة الملك تعليم عن بعد
__________________________________________________
موضوعك حلو أخوي
بس لازم الواحد يخاف من العين عشان يحصن نفسه...
انا للاسف كنت ما ألقي لها بال ولا احصن نفسي لين اكلت ع راسي منها مرتين...
بس الحين الحمدلله..
|