موضوع ختييييييييييييييييرر اخوي وراح اتكلم عن اللي درسته مع انه مالي غير ترم واحد في الاحياء
الموووووووووووهم
احياء 202
الماده يبغالها مذاكره اول بأول هي حلوه بس معلوماتها كثيييييييييييييييييييييييييير لكن الشي اللي يهونها انه اختبارها كله كان اختياري فيعني الموضوع يهون بس عن جد اذا ما اتذاكر اول بأول يضييع الواحد خاصة انه الاختبار النهائي تدخل 8 أبواب كلها وطبعا الامتحان موحد
المعلمات من وجهة نظري : اولا د.حنان الشاذلي ... صراحة هذي تخرجك من الكلاس والمعلومة مثبته شرحها رووووعة قليله فيه بس لازم تنظبطي معاها تحب تكون البنت معاها زي الخط المستقييييييييييييم وتسوي اختبار كل باب للبنات ..
د.عواطف : انسانه حبوبه وشرحها كمان ختيير تحب الاحياء من قلبها ولمن حطت لنا الاختبار الدوري الاول حطت لنا أسئلة بونس
د.سهيله : تعاملها حلو وشرحها تمام ومتواضعه انا درست عندها ولله الحمد درجتي حلوه واللي حبيته اكثر انه استاذات المعمل تبعي كانوا أ. نهى الزيلعي و أ. سوزان
د. فاطمه القدسي : سمعت الكثييييييييييييييير يمدحها على ايام ترمي بس هذا اللي اعرفه عنها
أمن وسلامة :
المااااده جدا تافهه بس نصيحه لا تاخذيها مع ناهد حجرة هي طيوبة وتسهل المذاكره لكن تلعب في الصح والخطأ لعب مشقلب ولمن تناقشي تقولك افرضي كده ولا كده , لأ انا قصدي مو كده ومن هيك الكلام .
وراثه :
الماااده رووووعة ولا تخافي من هرج الناس بس انتي ركزي كويس وحاولي تجلسي قدام عشان التركيز يعني انا اخذتها مع د. لميا هي كويسه صراااحه وحرااام اقول غير كذا بس لمن توصل جزيئة ال dna تبدأ تضيع من ناحيه انه ماتوصلك المعلومه... بس والله لو انتي معاها اول بأول وتسألي دائما ترى تجي بنتيجه وأسألتها سهللللللللله وكله اختياري . والمعمل حلو خاصه اذا كنتي مع استاذه ايمان الحازمي صراحة انسانه قمه .
احياء 281:
الماده جدا دسمه وكلامها كثيييييييييييييييييييييير انا اخذتها مع أ. حبيبه سيت كانت أسألتها كإجمال حلوه بس هي راح تتعبك حبتين انه كل اسبوعين امتحان وفي النهائي تدخل كل الجزئيه ماعدا باب الانسجه النباتيه تحذفه بس في يوم الامتحان النهائي ماتعبت كثييير لأنها كانت تختبرنا ... كان المعمل نفهم منه وكان معاها أستاذتين شرحهم كمان مررره حلو وحده منهم اسمها رنده والثانيه مضيعه اسمها ...
وبث الباقي كان ثقافه وعربي ( هذا كل اللي اخذته)