رد: هناا ضعي ::استفسااااارك ::عن ..(جدولك ..وموادك )..؟؟!
12 اختارو 2012 زيو ماقالو البنات إللي فوقي
من جد كارثة كادت أن تكرر دي السنة إني اختار السنة غلط *_*
,,,,
بالنسبة للمواد إللي انذكرت هنا، فحبيت أساعد على قد ما أقدر
محاسبة حكومية، اخدتها مع أ. مي الثنيان، رائعة وحقانية وزووووق بمعنى الكلمة
مباديء الاحصاء للتخصصات النظرية اخدتها مع د. إلهام اسماعيل، أكتر من رائعة وصبورة وكلو
مباديء العلوم السياسية اخدتها مع د. زينب عبد العظيم، رزينة جدًا وتحب المشاركة جدًا وحاطة عليها درجات وأسألتها كتيرة (أبو نص) بس عندها لفة في عدد قليل جدًا من الفقرات، بس رائعة وحقانية والله وتشرح وإللي تعيدو وتزيدو معناتو مهم جدًا بالزاات المفكرين، بالهبل يجي منهم
مباديء القانون والقانون الإداري اخدتهم مع د. إكرام، فتاكة ورهيبة، وأسألتها بالمررررررة سهلة وتجيب مقالي لكنو تاااااافه جدًا، رائعة ودمها خفيف والله وتعيد كتير في الشرح ليين ماتحفظي المنهج
مباديء الإدارة العامة اخدتها مع أ. خديجة الحربي، أخلااااق بمعنى الكلمة وبالها طويل بس لاحد ينرفزها أسألتها كوكتيل سهل مررة على صعب على متوسط، يعني زاكري بزززمة وركزي في شرحها
سلوك تنظيمي اخدتو مع أ. بدرية الجهني، كلمة 1ة بس، أخلاق وشرح وتعامل راقي وأسألتها برضو كوكتيل سهل مرررة على متوسط على شي بسيط يبغالو "عك"
ثقافة 4 اخدتها مع د. رشا رجب، رهيـبة وممتع جدًا شرحها وتأشر الحاجات المهمة وغالبًا يجي منها بنسبة 90% بس لاحد يخليها تعصب
اخلاقيات عمل اخدتها مع الرائعة أ. هيفاء عبد الفاتح، ابدااااع في دي المادة ابداااع، حقانية جدًا جدًا جدًا وتحب الطالبة المجتهدة وإللي تشارك معاها وأسألتها مرة كانت سهلة، في يعني فقرات على العدد تكون شوية صعبة وكتيييرة مرررة الأسألة مررررة
تنمية الموارد البشرية اخدتها برضو مع أ. هيفاء، بس المادة دي غريبة، يعني سهلة وصعبة في نفس الوقت، وللحق، كانت بتشرح بزمة أ. هيفاء بس إحنا إللي كنا مهملات فما عجبتنا طريقة الأسألة وجبنا علامات مهببة، بس عوضنا في النهائي وفي التكليف، للحق، أسألتها حق الدوري كان فيها نسبة من الصعوبة، لأنو يبغالها تكريز مررررة، وكلو يعتمد على تركيزك معاها أثناء المحاضرة، فركزوووووو مرررة مرررة مرررة، يعني أنا لو كنت شوية شديت حيلي وركزت معاها من البداية كنت جبت الامتياز بالرااحة، لكن قدر الله
،،،
هادي المواد إللي اذكرها دحين، وكلو عن تجربة شخصية
أتمنى للكل التوفيق في المواد دي واتمنى لنفسي التوفيق في موادي
،،،،
عندي استفسار يا جماعة عن بعض المواد؛
قراءات إدارية بالانجليزي، مع مين آخدها، مع نرفانا ولا مين؟
رياضيات 111 اخدها مع ريم الضبيبان ولا مين؟وبس
ارجوكم ساعدوني = (
|