المنهج كثير نوعا ما ,انا اخذتو مع استاذة اكرام لكن سمعت انها خلاص راحت ,طلبت مننا تكليف بحث,المنهج مو صعب ,متوسط لكن المعلومات كثيرة و تتشابه في بعض الاحيان مع علوم سياسية ..
مع الاستاذ محمد العثمان <كثير يمدحونو عشان ملخص المنهج و يحذف..
يديك عرض البوربوينت تذاكري منو + الاختبار الاول كان موضوعي و جبت فيه الفل مارك الحمدلله ,لكن الدوري التاني و النهائي رغم ثقتي بالحل ,لكن الدرجة جدا ما كانت مرضية بالنسبة ليا و كثير طلاب و طالبات ماعجبتهم درجاتهم ..عموما نصيحة مني عبي الورقة كلام قد ماتقدري ,ما طلب تكاليف .. انا بعد كدا تمنيت لو ان المادة دي تفتح للطالبات مع الدكتور العساف عشان نقدر نحصل على فائدة علمية اكثر ..لكن قدر الله و ماشاء فعل ..
مع الدكتور فيصل العساف + العيب الوحيد الوقت المتأخر ,اكتبي الامثلة معاه ,ركزي بالشرح و هو مايقصر يشرح بالتفصيل الممل ,الاسألة عموما واضحة وسهلة الدوري الاول كان مقالي و اختياري و صح و خطأ , الدوري التاني و النهائي كان موضوعي .. المنهج يبغالو مذاكرة اول بأول اضافة لتركيز ..
مع استاذة نجاه , التكليف انتي مخيرة بين 3 ,اما بحث او 60 سؤال صححي و تعليل ,او 3 قضايا جنائية .. الاسألة متوسطة لاهي سهلة و لا قمة الصعوبة ..تركز بالتصحيح لازم تكتبي الكلام اللي لو تأثير و تحب المصطلحات القانونية ..في بنات يعبون السطور كلام لكن ينقصو عشان المعنى المطلوب ما وصل , و احيانا تكتبي سطر واحد يجمع الجواب كلو وتاخدي درجة ترضيكي , اما الشرح عادي تقرا من الكتاب و تشرح لو في نقطة مو مفهومة ..
مع استاذ هاني عبد الشكور , كل اللي اقدر اقولو ان الاسألة جدا سهلة ,لكن عيبها انها قليلة مرة + بدون تكاليف ..
مع الاستاذة امل شلبي , تشرح و حبوبة الله يسعدها , طلبت مننا تكلفين , من بينها قضية افلاس باخر الترم , و الاختبارات سهلة وواضحة , بس لا تراكمي المنهج ذاكري اول بأول ..